កំពត ៖ ផ្លូវលំគ្រួសក្រហមមួយកន្លែង ត្រូវបានខូចខាត ដោយសារតែរថយន្តដឹកលើសទម្ងន់ ក្លាយជាជង្ហុកធំៗ ដែលមកដល់ពេលនេះ មិនទាន់មានការជួសជុលនៅឡើយទេ ធ្វើអោយប្រជាពលរដ្ឋមាន ការលំបាក ក្នុងការធ្វើដំណើរទៅមកនិងអាចបង្កគ្រោះថ្នាក់នៅពេលយប់។ផ្លូវដែលរងការខូចខាតទាំងនោះស្ថិតនៅក្នុងភូមិក្រាំងអំពិល សង្កាត់ក្រាំងអំពិល ក្រុងកំពត ខេត្តកំពត ។
នៅព្រឹកថ្ងៃទី១០ ខែតុលា ឆ្នាំ២០១៤នេះ លោកលឹម សំ ប៊ូ ប្រធានមន្ទីរសាធារណការខេត្តកំពត បានប្រាប់អ្នកយកព័ត៌មានយើងថា ផ្លូវមួយខ្សែនេះបានដេញថ្លៃរួចហើយ តែវាមិនទាន់ជួសជុល ។
ឯកឧត្តម ឃូយ ឃុនហ៊ូ អភិបាលខេត្តកំពត បានប្រាប់អ្នកសារព័ត៌មានឲ្យដឹងថា ថា ផ្លូវមូយខ្សែនេះ យើងបានសុំក្រសួងរួចហើយ តែមិនទាន់ជួសជុល ផ្លូវនេះ យើងត្រូវចាក់បេតុងកំរាស់ពីតឹក ។ ឯកឧត្តមបានបន្តទៀតថា យើងមិនចង់យកលុយខេត្តធ្វើ យើងទុកលុយខេត្តទៅធ្វើកន្លែងផ្សេងទៀត បើយើងយកលុយខេត្តធ្វើ វាខាត ព្រោះយើងបានសុំក្រសួងរួចហើយ សូមបងប្អូនប្រជាពលរដ្ធរងចាំបន្តិចសិន ផ្លូវខូចយើងត្រូវតែធ្វើតែយើងរងចាំថ្នាក់សម្រេច ។
គួរបញ្ជាក់ផងដែរថា ផ្លូវនេះរងការខូចខាតដោយសារតែរថយន្តលើសទម្ងន់បើរថយន្តដឹកធម្មតាវាមិនខូចដល់ថ្នាក់ហ្នឹងទេ ៕
អ៊ួង វឹង
