ក្រចេះ នៅថ្ងៃ ទី៣០ ខែមីនា ឆ្នាំ២០២៣ វេលាម៉ោង១២ និង៣០ ថ្ងៃត្រង់មេឈ្មួញជើងខ្លាំងឈ្មោះ ចែ លីលី រកស៊ីដឹកជញ្ជូនឈើទ្វារអត់ច្បាប់តាមរយៈ រថយន្តមួយគ្រឿងម៉ាកសាំយ៉ុង ពណ៌ស ពាក់ស្លាក លេខភ្នំពេញ 2AH-4967)ចេញពីខេត្តស្ទឹងត្រែង ឆ្លងកាត់ខេត្តក្រចេះយកទៅលក់ចែកចាយនៅតាមបណ្ដាខេត្តផ្សេងៗ ជារៀងរាល់ថ្ងៃរាល់យ៉ាងគគ្រឹកគគ្រេង សមត្ថកិច្ចនិងមន្ត្រីជំនាញពាក់ព័ន្ធ នៅតាមដងផ្លូវសម្ងំកើបលុយដាក់ហៅប៉ៅ ជាថ្នរក្នុងការគេចវេសមិនចុះបង្ក្រាបទៅតាមតួនាទីរបស់ខ្លួនជាក់ស្ដែងក្នុងពេលនឹងម៉ោងដូចខាងលើ។យើងបានតាមផ្តិតយករូបភាពពីចំណុចស្ពានទេរហូតដល់ដល់ស្រុកឆ្លូង។ក៏បានទំនាក់ទំនងផ្ដល់ជាព័ត៌មាន និងសុំការសហការ។ពីលោក(កងសុំ)ដែលជាមេបញ្ជាការអាវុធហត្ថស្រុកឆ្លូងក៏ប៉ុន្តែលោកបានឆ្លើយយ៉ាងខ្លីមកថាបើបញ្ហាបទល្មើសព្រៃឈើកុំទាក់ទងមកគាត់ទៀតឲ្យទាក់ទងទៅមេព្រៃទៅយើងក៏មានវីដេអូខ្លីបក្នុងការផ្ដល់ជាដំណឹងនិងសូមការសហការដូចឃ្លីបខាងក្រោម។
បើទោះជា ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ដាក់បទបញ្ជាយ៉ាងក្ដៅគគុកឲ្យមន្ត្រីក្រោមឱវាទខិតខំបំពេញតួនាទី បង្ក្រាបបទល្មើសព្រៃឈើដែលជាធនធានធម្មជាតិឲ្យខានតែបានជាដាច់ខាតយ៉ាងណាក៏ដោយ ក៏អស់លោកមន្ដ្រីគ្រាប់ល្ពៅមួយចំនចំនួននៅក្នុងខេត្តក្រចេះទាំងនោះនៅតែគ្មានចំណាត់ការទប់ស្កាត់ បង្ក្រាបទៅតាមបទបញ្ជាទាល់តែសោះ ហើយថែមទាំងបន្ដបើកដៃបណ្តោយឲ្យពួកឈ្មួញរកស៊ីដឹកបទល្មើសព្រៃឈើ យ៉ាងគឃ្លើនជារៀងរាល់ថ្ងៃរាល់យប់ដដែល៕
