ពីរនាក់ប្តីប្រពន្ធ ប្តីឈ្មោះធីនិងប្រពន្ធឈ្មោះស្រឿន នាំគ្នាចាក់ដីរំលោភយកផ្ទៃបឹងក្រឡាញ់ ក្នុងភូមិ ឈូកស ឃុំសឹង្ហ ស្រុកសំរោង ខេត្តតាកែវ ធ្វើកម្មសិទ្ធិខ្លួនយ៉ាងរំភើយ តើមន្ត្រីពាក់ព័ន្ធបានជ្រាបឬទេ?

ភាពលោភលន់ចង់មាន ខុសរឿង ទាំងខុសច្បាប់ គឺជាការលើកអំរែក«ទុក្ខ»ដាក់លើស្មាខ្លួនឯង។មួយជីវិតបាយអស់ប៉ុនមានស្លាបព្រា?ជីវិតចុងក្រោយអ្នកយកអ្វីខ្លះតាមទៅនរកបាន?។

ពលរដ្ឋក្នុងឃុំសឹង្ហដែលសុំលាក់ឈ្មោះបានអោយដឹងថា៖ មានការចាក់ដីរំលោភយកផ្ទៃបឹងក្រឡាញ់ជាបឹងសាធារណៈ ដែលស្ថិតនៅក្នុង ភូមិឈូកស ឃុំសឹង្ហ ស្រុកសំរោង ដើម្បីធ្វើកម្មសិទ្ធរបសខ្លួន ដោយប្ត៏និងប្រពន្ធពីរនាក់ដែលប្តីឈ្មោះ ធី ប្រពន្ធឈ្មោះ ស្រឿន បានផ្ទៃបឹងមួយផ្នែកធំ បានយ៉ាងរំភើយ អត់ខ្លាចនរណាបន្តិចសោះ។

ប្រភពខាងលើដដែលអោយដឹងថា៖ បឹងក្រឡាញ់គឺជាដីបឹង សាធារណៈ សម្រាប់បងប្អូនក្នុងភូមិឈូកស ឃុំសឹង្ហ ប្រើប្រាស់ជាប្រយោជន៍រួម បានរក្សាទុកគង់វង់តាំងពីជ៏ដូនជីតាមកម៉្លេះ។ប៉ុន្តែដោយមូលហេតុ កន្លងមកឈ្មោះធីនិងប្រពន្ធឈ្មោះស្រឿន បានសុំទិញដីនៅជាប់នឹងចំណីបឹងក្រឡាញ់នេះ ទិញបានក្បាលដីបន្តិចបន្ទួចពីឈ្មោះ ប៊ុនធឿន«គេមិនទាន់ដឹងថាឈ្មោះធឿនមានកម្មសិទ្ធិលើដីដែលលក់អោយឈ្មោះ ធី+ស្រឿននោះត្រូឹមត្រូវស្របច្បាប់ឬគ្មាននៅឡើយទេ»។

ប្រភពបន្តថា៖បន្ទាប់ពីប្តីឈ្មោះធីនិងប្រពន្ធឈ្មោះស្រឿន ទិញដីពីឈ្មោះធឿនបានសម្រេច ស្រាប់តែពួកគាត់ប្តី+ប្រពន្ធបែកគំនិតហៅឡានចាក់ដីរំលោភយកបឹងឈឹបៗតែម្តងទាំងអ្នកស្រុកដឹងថា ដីដែលទិញពីឈ្មោះប៊ុនធឿននោះមានក្បាលដីនិងបណ្តោយដីប្រវែងកន្ទុយអណ្តើកសោះ បែរជាចាក់ដីលប់បឹងយកបំពានច្បាប់យ៉ាងមុខក្រាស់តែម្តង។

លោកធី«ទាហានជើងទឹក»និងអ្នកស្រីស្រឿនដែលរងការចោទប្រកាន់ថា ថ្លើមធំចាក់ដីរំលោភយកបឹង បំពានច្បាប់នោះយើងនៅមិនទាន់សុំការបកស្រាយបានទេព្រឹកមិញនេះ។ដោយឡែកលោកប៊ុនធឿនដែលជាអ្នកលក់ដីអោយប្តី+ប្រពន្ធក៏មិនទាន់សុំការបកស្រាយទាក់ទងនឹងឯកសារគតិយុត្តិរឿងលក់ដីនិងរឿងហេតុដែលឈានដល់ការបាំងដៃមើលឈ្មោះធី+ប្រពន្ធចាក់ដីរំលោភយកបឹងសាធារណៈបាននៅឡើយដែរ ។ ដោយ ឡែកមន្រ្តីភូមិបាលស្រុក និង អភិបាលស្រុក មិនថាបានជ្រាបដែរឬទេដោយសារទូរសព្ទ័លោកអភិបាលមិនដែលភ្ជាប់បានឡើយ៕