ប្រធានស្ថានីយជញ្ជីងថ្លឹងរថយន្តអូរចំណារ ប្រមូលលុយទាំងថ្ងៃទាំងយប់មានការបើកភ្លើងខៀវពី លោក បូរី វង្សសានិត ប្រធានមន្ទីរសាធារណការនិងដឹកជញ្ជូនខេត្តព្រះសីហនុ

ប្រភពពីក្រុមឈ្មួញ និងអាជីវករដឹកជញ្ជូនទំនិញឆ្លងកាត់ស្ថានីយជញ្ជីងថ្លឹងរថយន្តអូរចំណារ ផ្លូវជាតិលេខ4 ស្រុកព្រៃនប់ ខេត្តព្រះសីហនុ បានឲ្យដឹងថា ទោះបីពួកគាត់ដឹកជញ្ជូនទំនិញផ្ទុកមិនលើសទម្ងន់ក៏ត្រូវបង់លុយតាមការកំណត់របស់ក្រុមមន្រ្តីប្រចាំស្ថានីយនេះដែរ។ រីឯម្ចាស់រថយន្តធំៗដឹកជញ្ជូនទំនិញ ដឹកខ្សាច់ ក្រួសថ្ម ផ្ទុកលើសទម្ងន់អាចបើកបររថយន្តឆ្លងកាត់ស្ថានីយជញ្ជីងថ្លឹងរថយន្តអូរចំណារ យ៉ាងរលូនឲ្យតែម្ចាស់រថយន្តទាំងនោះបង់លុយតាមការកំណត់។ ជាងនេះទៅទៀតប្រធានស្ថានីយជញ្ជីងថ្លឹងរថយន្តអូរចំណារ តែងប្រើឈ្មោះលោក បូរី វង្សសានិត ប្រធានមន្ទីរសាធារណការ និងដឹកជញ្ជូនខេត្តព្រះសីហនុ ដើម្បីការពារទង្វើរបស់ខ្លួនយ៉ាងក្រអឺតក្រទម។

ក្រុមឈ្មួញ និងអាជីវករដឹកជញ្ជូនដឹកទំនិញឆ្លងកាត់ស្ថានីយជញ្ជីងថ្លឹងរថយន្ត ផ្លូវជាតិលេខ4 ស្រុកកំពង់សិលា ខេត្តព្រះសីហនុ ក៏បានឲ្យដឹងដែរថាបច្ចុប្បន្នប្រធានស្ថានីយជញ្ជីងថ្លឹងរថយន្ត ប្រែក្លាយជញ្ជីងថ្លឹងរថយន្តទៅជាជញ្ជីងថ្លឹងលុយមិនខុសពីប្រធានស្ថានីយជញ្ជីងថ្លឹងរថយន្តអូរចំណារ នោះទេ។

ប្រធានស្ថានីយថ្លឹងរថយន្តអូរចំណារ ក៏ទន្ទេញឈ្មោះលោក បូរី វង្សសានិត ប្រធានមន្ទីរសាធារណការ និងដឹកជញ្ជូនខេត្តព្រះសីហនុ ជាប់មាត់ផងដែរ។ អត់មានឈ្មួញ ឬអាជីវករណាហ៊ានតវ៉ា ជាមួយប្រធានស្ថានីយជញ្ជីងថ្លឹងរថយន្តអូរចំណារនោះទេ ព្រោះអាចប្រឈមនឹងការគាបសង្កត់សព្វបែបយ៉ាង។

មន្រ្តីនៅក្នុងមន្ទីរសាធារណការ និងដឹកជញ្ជូនខេត្តព្រះសីហនុ បានបង្ហើបឲ្យដឹងថា បើគ្មានការបើកដៃពីលោក បូរី វង្សសានិត ទេនោះគឺប្រធានស្ថានីយជញ្ជីងថ្លឹងរថយន្តអូរចំណារ មិនហ៊ានប្រែក្លាយជញ្ជីងថ្លឹងរថយន្តទៅជាជញ្ជីងថ្លឹងលុយតាមអំពើចិត្តទេ។

ហេតុនេះលោក ស៊ុន ចាន់ថុល រដ្ឋមន្រ្តីក្រសួង សាធារណការ និងដឹកជញ្ជូនព្រមទាំងលោក សេង ឈួន មេជញ្ជីងថ្លឹងរថយន្តទូទាំងប្រទេស គួរពិនិត្យឡើងវិញខ្លះផង​កុំបណ្ដែតបណ្ដោយតទៅទៀត។ ដោយហេតុថា ចាប់តាំងពីលោក បូរី វង្សសានិត ទទួលបានតំណែងជាប្រធានមន្ទីរសាធារណការខេត្តព្រះសីហនុ គឺបណ្ដោយឲ្យប្រធានស្ថានីយជញ្ជីងថ្លឹងរថយន្តអូរចំណារ ប្រព្រឹត្តអំពើពុករលួយពេញទំហឹង៕