លោក ខាត់ សារ័ត្ន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិបាវិត ហ៊ានប្រើតួនាទី និងអំណាចប្រមូលលុយតាមរបៀបពុករលួយដោយគ្មានញញើត

ប្រភពស្និទ្ធនឹងលោក ខាត់ សារ័ត្ន បានបង្ហើបឲ្យដឹងថា ការដែលលោក ខាត់ សារ័ត្ន ហ៊ានប្រើតួនាទី និងអំណាចប្រមូលលុយតាមរបៀបពុករលួយដោយគ្មានញញើតអ្វីទាំងអស់គឺដោយសារអាងមានខ្នងបង្អែករឹងមាំនៅក្នុងអគ្គនាយកដ្ឋានអន្តោប្រវេសន៍។ ហេតុ​នេះថ្នាក់ដឹកនាំក្រសួងមហាផ្ទៃ និងនាយឧត្ដមសេនីយ៍ គៀត ច័ន្ទថារិទ្ធ មិនគួរបណ្ដែតបណ្ដោយតទៅទៀតទេ ព្រោះអំពើពុករលួយរបស់លោក ខាត់ សារ័ត្ន ជារឿងមិនអាចបិទបាំងបានទេ។ ជាពិសេសលោក ឱម យ៉ិនទៀង ប្រធានអង្គភាពប្រឆាំងអំពើពុករលួយគួរបើកការស៊ើបអង្កេតទៅលើរឿងអាស្រូវពុករលួយរបស់លោក ខាត់ សារ័ត្ន នាយប៉ុស្តិ៍នគរបាលច្រកទ្វារអន្តរជាតិបាវិត ឲ្យបានកាន់តែឆាប់គឺរឹតតែល្អ។

ករណីលោកឧត្ដមសេនីយ៍ត្រី ខាត់ សារ័ត្ន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិបាវិត ក្រុងបាវិត ខេត្តស្វាយរៀង ប្រើតួនាទី និងអំណាច ប្រមូលលុយតាមរបៀបពុករលួយត្រូវបានបណ្ដាញព័ត៌មាននានាចុះផ្សាយជាបន្តបន្ទាប់រួចទៅហើយ។ ក៏ប៉ុន្តែរហូតមកដល់ពេលនេះថ្នាក់ដឹកនាំក្រសួងមហាផ្ទៃ ក៏ដូចជានាយឧត្ដមសេនីយ៍ គៀត ច័ន្ទថារិទ្ធ អគ្គនាយកដ្ឋានអន្តោប្រវេសន៍មិនទាន់ចាត់វិធានការណាមួយដើម្បីទប់ស្កាត់អំពើពុករលួយរបស់លោក ខាត់ សារ័ត្ន នោះទេ។ ហេតុនេះហើយទើបមានការជំរុញឲ្យលោក ឱម យ៉ិនទៀង ប្រធានអង្គភាពប្រឆាំងអំពើពុករលួយបើកការស៊ើបអង្កេតឲ្យបានស៊ីជម្រៅទៅលើរឿងអាស្រូវពុករលួយរបស់លោក ខាត់ សារ័ត្ន ជាបន្ទាន់។

<span;>ប្រភពពីមន្រ្តីនៅច្រកទ្វារអន្តរជាតិបាវិត បានឲ្យដឹងថា ការគាបយកលុយក្រៅផ្លូវការពីពលរដ្ឋខ្មែរដែលឆ្លងដែនចេញចូលទៅពិនិត្យព្យាបាលជំងឺនៅទីក្រុងហូជីមិញ(ព្រៃនគរ) ប្រទេសយួនគឺជាប្រភពចំណូលរបស់លោក ខាត់ សារ័ត្ន និងបក្ខពួក។ ជាងនេះទៅទៀតក្រុមឈ្មួញដែលរកស៊ីនាំចូលទំនិញគេចពន្ធ ទំនិញបង់ពន្ធមិនគ្រប់ពីស្រុកយួន តាមច្រកទ្វារអន្តរជាតិបាវិត ក៏ជាប្រភពចំណូលរបស់លោក ខាត់ សារ័ត្ន ផងដែរ ដូចដែលបណ្ដាញព័ត៌មាននានាបានចុះផ្សាយរួចមកហើយ។ បើទោះបីលោក ខាត់ សារ័ត្ន​ គ្មានតួនាទីប្រមូលពន្ធដូចសមត្ថកិច្ចគយ ប៉ុន្តែឈ្មួញដែលនាំចូលទំនិញពីស្រុកយួន តាមច្រកទ្វារអន្តរជាតិ​បាវិត គ្មានអ្នកណាអាចរំលងលោក ខាត់ សារ័ត្ន បានឡើយ។មានត