ប្រភពបានឲ្យដឹងថា លោក យឹង សំអន ដែលជាប្រធានសាខាគយខេត្តប៉ៃលិន បានផ្តល់ឥទ្ធិពល និងបើកភ្លើងខៀវឲ្យមេច្រកទ្វារអន្តរជាតិព្រំ ក្នុងខេត្តប៉ៃលិន ប្រព្រឹត្តអំពើពុករលួយពេញបន្ទុកជាងមេសាខាគយមុនៗទៅទៀត ដោយមានការឃុបឃិតជាមួយឈ្មួញឲ្យនាំទំនិញចេញចូលតាមច្រកទ្វារអន្តរជាតិមួយនេះ ស្រេចតែអំពើចិត្តដោយឲ្យឈ្មួញធំៗនាំទំនិញគេចពន្ធ ទំនិញបង់ពន្ធស្ទើរមិនគ្រប់ និងមិនគ្រប់ និងទំនិញខុសច្បាប់ចេញចូលទាំងយប់ទាំងថ្ងៃ ហើយបច្ចុប្បន្ននេះទំនិញគេចពន្ធ និងទំនិញបង់ពន្ធមិនគ្រប់ កាន់តែកើតមានច្រើនឡើងៗតាមច្រកទ្វារអន្តរជាតិព្រំ នេះ។
លោក យឹង សំអន បានឲ្យមន្ត្រី និងភ្នាក់ងារគយក្រោមឱវាទគាងគរដោយផ្តល់ឥទ្ធិពលខ្លួនឲ្យមន្ត្រីគយទាក់ទងឲ្យឈ្មួញ និងអាជីវករនាំទំនិញពីស្រុកសៀម នាំពីទំនិញពីស្រុកខ្មែរទៅស្រុកសៀម ឲ្យចេញចូលតាមច្រកព្រំ ដែលខ្លួនគឺជាប្រធានសាខាគយខេត្តប៉ៃលិន មានលទ្ធិភាពក្នុងការបន្លំពន្ធគយ តាមរយៈខ្លែងឯកសារមុខទំនិញចេញចូលទៅលក់ និងចែកចាយនៅប្រទេសសៀម មិនត្រឹមតែប៉ុណ្ណោះ មេសាខាគយខេត្តប៉ៃលិន មួយនេះបានបើកដៃឲ្យប្រធានការិយាល័យច្រកទ្វារអន្តរជាតិព្រំ ឲ្យឈ្មួញធំៗ និងអាជីវករនាំទំនិញចេញចូលសូម្បីតែខុសម៉ោងរដ្ឋបាល ក៏មេការិយាល័យច្រកទ្វារអន្តរជាតិព្រំ មួយនេះយកតួនាទីរបស់ខ្លួនដែលបានការផ្តល់ភ្លើងខៀវ និងសហការដើម្បីប្រយោជន៍ផ្ទាល់ខ្លួនធ្វើការសម្រួលឲ្យឈ្មួញដឹកជញ្ជូនទំនិញគេចពន្ធ ទំនិញបង់ពន្ធស្ទើរមិនគ្រប់ ឬក៏មិនគ្រប់ និងបង់ពន្ធតាមរបៀបម៉ៅការឲ្យឈ្មួញ និងអាជីវករនាំទំនិញចេញចូលយ៉ាងរលូន ដោយគ្មានឧបសគ៍អ្វីទាំងអស់។
លោក យឹង សំអន ប្រធានសាខាគយខេត្តប៉ៃលិន ដែលទើបតែទទួលត្រាជាប្រធានសាខាគយខេត្តនេះកាលពីពេលកន្លងទៅនេះ កំពុងសកម្មក្នុងការបើកដៃឲ្យឈ្មួញនាំទំនិញចេញចូលទៅប្រទេសថៃតាមច្រកទ្វារអន្តរជាតិព្រំ មានទាំងទំនិញបង់ពន្ធមិនគ្រប់ ទំនិញគេចពន្ធ និងទំនិញខុសច្បាប់ទៀតផង។
ប្រភពព័ត៌មានពីមន្ត្រីពាក់ព័ន្ធនៅសាខាគយខេត្តប៉ៃលិន បានឲ្យដឹងថា លោក យឹង សំអន បានបង្កើតឲ្យមានអំពើពុករលួយស្រង់ដើមឲ្យឈ្មួញធំៗនាំចូលទំនិញពីប្រទេសសៀម តាមច្រកនេះបង់ពន្ធត្រឹមតែពី៣៥ទៅ៤០ភាគរយប៉ុណ្ណោះ។
ប្រភពពីមន្ត្រីពាក់ព័ន្ធក៏បានបញ្ជាក់បន្ថែមទៀតថា ប្រធានការិយាល័យគយច្រកទ្វារព្រំ មួយនេះដោយអាងអំណាចពីប្រធានសាខាគយខេត្តប៉ៃលិន កំពុងប្រើតួនាទី និងអំណាចរបស់ខ្លួនប្រមូលលុយតាមរបៀបពុករលួយយ៉ាងពេញទំហឹង ហើយថែមទាំងយកអំណាចប្រមូលរបៀបពុករលួយរបស់ខ្លួនបានធ្វើការគាបសង្កត់ គម្រាបកំហែងដល់អាជីវករតូចតាច និងប្រជាពលរដ្ឋដែលនាំទំនិញចូលបន្តិចបន្តួចពីប្រទេសសៀម ដើម្បីដោះស្រាយចំណូលជញ្ចឹមជីវភាពគ្រួសារ។
ការគាបសង្កត់ទាំងនេះលោក យឹង សំអន បានកំណត់ឲ្យមានការបង់លុយទៅតាមការកំណត់ក្រោមតុលើតុ បង់ក្បាលឡាន បង់តាមរទេះអូសទំនិញ បង់ថ្លៃបាយ និងបង់ប្រចាំខែថែមទៀតផង។ ប្រភពពីអាជីវករ និងឈ្មួញរកស៊ីនាំទំនិញចេញចូលពីប្រទេសសៀម បានបង្ហើបឲ្យដឹងថា ប្រធានការិយាល័យច្រកទ្វារអន្តរជាតិព្រំ បានសហការពីមេគយខេត្តប៉ៃលិន យ៉ាងសកម្មក្នុងការប្រមូលពន្ធគយតាមរបៀបពុករលួយដែលប្រធានច្រកគយច្រកទ្វារព្រំ នេះមានការសម្របសម្រួលពីមេសាខាខេត្តរបស់ខ្លួន ដែលគ្មាននរណាហ៊ានរិះគន់ និងប៉ះពាល់ខ្លួនគេបានឡើយ។
ប្រធានការិយាល័យគយច្រកទ្វារអន្តរជាតិព្រំ មួយនេះមិនត្រឹមតែអាងឥទ្ធិពលមេសាខាគយខេត្តប៉ៃលិន ដើម្បីបិទបាំងទង្វើពុករលួយរបស់ខ្លួនគេ តែប៉ុណ្ណោះទេ ថែមទាំងយកឈ្មោះថ្នាក់ដឹកនាំគយកំពូលៗក្នុងអគ្គនាយកគយកម្ពុជា មកគម្រាបកំហែងដល់ភ្នាក់ងារគយក្រោមឱវាទរបស់ខ្លួនគេថែមទៀតផង ដើម្បីឲ្យឈ្មួញទាំងតូចទាំងធំ មានការខ្លាចនឹងអំណាច និងតួនាទីដែលជាប្រធានការិយាល័យច្រកទ្វារអន្តរជាតិព្រំ នេះ។
ទង្វើពុករលួយតាមរបៀបប្រមូលពន្ធគយក្នុងបច្ចេកទេសពុករលួយរបស់មេគយសាខាខេត្តប៉ៃលិន និងប្រធានការិយាល័យច្រកទ្វារព្រំ បានធ្វើឲ្យមន្ត្រីព្រមទាំងសមត្ថកិច្ចពាក់ព័ន្ធបានធ្វើការអំពាវនាវឲ្យលោករដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុ, លោក គុណ ញឹម អគ្គនាយកគយកម្ពុជា ធ្វើការអង្កេត និងតាមដានទៅលើសកម្មភាពពុករលួយស្រង់ដើមរបស់មេគយខេត្តប៉ៃលិន មួយនេះតាមអ្វីដែលអាចធ្វើទៅបាន។
