រឿងជញ្ជឹងថ្លឹងឡាន ដូចអាយ៉ៃចេះក្រែលដដែលៗមួយយប់ ទើសព្រឹក!។ លោក ស៊ុនចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនធ្លាប់បានហែកលីអូមន្ត្រីនៅស្ថានីយថ្លឹងរថយន្តថ្នល់កែង(ព្រែកឯង)តាមផ្លូវជាតិលេខ១ ថារាយការណ៍ភូតកុហក់ក្រសួងជាទឡ្ហីករ៍ស្រាប់។ តាំងពីក្រសួងសាធា រណ ការដឹកជញ្ជូន បានរកឃើញរថយន្តល្មើសដឹកលើសទម្ងន់ ដែលរាយការណ៍ថាមួយខែៗ មានរថយន្តដឹកទំនិញផ្ទុក លើសតែ២០០រថយន្តប៉ុណ្ណោះ។
ផ្ទុយទៅវិញក្រសួងរកឃើញឡានដឹកជញ្ជូនលើសចំណុះឆ្លងកាត់ជាង១០០ឡាន/ថ្ងៃស្មើនឹងផ្ទុកលើសជាង៣០០០ឡានក្នុងមួយខែៗមក មន្ត្រីខិលខូចចោលម្សៀត មិនត្រូវបានយកទៅដាក់ទោសឡើយ។នៅត្រង់វំណុចធ្វើជាមេចិត្តល្អរបស់លោកស៊ុន ចាន់ថុលនេះហើយដែលក្រសួងមិនអាចទប់ស្កាត់មន្ត្រីខិលខូចបានដល់បច្ចុប្បន្ន។ការគ្រប់គ្រងស្ថានីយ៍ជញ្ជឹងបែបនោះដូចជាអាយ៉ៃចេះក្រែល ដដែលៗមួយយប់ទើសព្រឹក រដ្ឋមន្រ្តីហាក់មិនអាចយកឈ្នះមន្ត្រីខិលខូចឡើយមែនទេ?
ថ្ងៃនេះបែកធ្លាយក្លឹនអាសោចិ៍ថ្មីចែស តាមប្រភពគួរអោយជឿបានមួយអោយដឹងថា៖នៅស្ថានីយ៍ជញ្ជីងថ្លឹងឡាន អូរចំណារ តាមផ្លូវជាតិលេខ៤ ក្នុងស្រុកព្រៃនប់ ខេត្តព្រះសីហនុ មន្ត្រីជញ្ជីងទីនោះ កំពុងគគ្លើនក្នុងការគប់គឹតគ្នាជាមួយម្ចាស់រថយន្តដឹកជញ្ជូន តាមរូបភាព៖
១-ប្រលែងឡានមិនបាច់ចូលថ្លឹងឆៅៗយកលុយញាត់ហោប៉ៅ
២-គប់គឹតបង់ដាក់ខែតាមទម្លាប់ចាស់គំរឹលរាប់រយក្បាលឡាន
៣-អនុវត្តការផាកពិន័យ(មានការគប់គឹតគ្នា)ធ្វើមិនបានត្រឹមត្រូវតាមគោលការណ៍ក្រសួង ក្នុងនោះមានការបំប៉ោង ឬបង្រួមតូចទំហំុការផាកពិន័យតាមចិត្ត ហាក់មានឯកសិទ្ធិឆន្ទានុសិទ្ធិដូចតុលាការកាត់ក្តី
៤-សុំថ្លៃបាយមិនធម្មតាគឺជាស្មូម ប្រមូលយកលុយទៅធ្វើមានធ្វើបានសប្បាយហុឺហាហាក់គ្មានក្រមសីលធ៌មជាមន្ត្រីរាជការ។
អំពើពុករលួយបែបមុខក្រាស់ទាំងនោះបានកើតឡើងដដែលៗ មិនកោតញញើតលោករដ្ឋមន្ត្រីស៊ុន ចាន់ថុល នោះទេ។
កន្លងមកប្រជាជនមើលឃើញថា លោករដ្ឋមន្ត្រីស៊ុនចាន់ថុល យល់ញាតិសុីជុះដាក់ច្បាប់ មន្ត្រីមានកំហុសធ្ងនធ្ងរមិនផ្តន្ទាទោស បានត្រឹមតែអំពាវអោយយកចិត្តទុកដាក់ថ្លឹងឡានប៉ុណ្ណោះ ឬមួយត្រូវពួកមន្ត្រីខិលខូចទាំងឡាយ យកសួយសារ ទៅថ្វាយដែរទេដឹង?។
លោករដ្ឋមន្ត្រីស៊ុន ចានថុលធ្វើនូវគំរូអាក្រក់ហាក់នៅតែបើកដៃអោយជញ្ជីងមួយចំនួនធំ អាចបន្តរកសុីលើខ្នងរដ្ឋ លើច្នងរាស្ត្រ ក្បៀសលុយជាតិលុយពុករលួយមួយខែៗ មហាសាលគេហៅថាពុករលួយដាច់បង្ហៀរ។
ប្រភពខាងលើដដែលបានបន្តថា៖ លោកសេង ឈួន ជាមេធំគ្រប់គ្រងខាងជញ្ជីងថ្លឹងឡានទូទាំងប្រទេសរឹតតែអង្គុយចាំប៊ុយរ៉ូមិនខ្ចីរវល់រឿងជញ្ជីងពុករលួយ ដោយអាប់អោនកិត្តិយសឡើយ។លោកឈួន ត្រូវគេសង្ស័យថាគប់គឹតពុករលួយទឹកប្រាក់មហាសាលជាមួយប្រធានជញ្ជីងទូទាំងប្រទេសពីមន្ត្រីជញ្ជីងគ្រប់កន្លែងរៀងរាល់ខែដែកអង្គភាពប្រឆាំងអំពើពុករលួយគួរបើកការស៊ើបអង្កេតដោយម្ចាស់ការសម្ងាត់ទើបដឹងការពិតថារលួយស្អុយគគ្រុកឬក្រអូបបែបណា?
លោកប្រធានជញ្ជីង.អូរចំណារ លោកជ្រា ថារាវុធ មិនអាចសុំបកស្រាយនូវការលើកឡើងពីប្រភពព័ត៌មានទាំងអស់ខាងលើបានទេ ទាំងតាមតេឡេក្រាមនិងទូរសព្ទ័ដៃកាលពីម្សិលមិញ និងលោកសេង ឈួន ព្រមទាំងលោករដ្ឋមន្ត្រីស៊ុន ចាន់ថុលក៏មិនអាចសុំអត្ថាធិប្បាយពន្យល់បានដូចគ្នាឡើយកាលពីម្សិលមិញ៕
