ល្បីថា កៀង លក្ស័ សម្ងំស្រង់ដើមតើមែនទេ ? ទើបជនទុច្ចរិតលេងអាប៉ោង បៀរ និងល្បែងភ្នាល់គ្រប់ប្រភេទចំណុចផ្លូវ៤៧៤ សង្កាត់បឹងត្របែក ខណ្ឌចំការមន ក្បែរគ្រាប់ភ្នែកបំពានបទបញ្ជាហ៊ុន សែន&ស ខេង មិនព្រមចុះបង្ក្រាប?

ចំការមន: ល្បែងស៊ីសង មានអាប៉ោង បៀ យូគីហ្គេមអនឡាញ និងមាន់អនឡាញ នៅនឹងផ្លូវ ៤៧៤នៅទល់មុខការ៉ាស់ សាំងptt ​ម្ខាងផ្លូវ ក្នុងសង្កាត់បឹងត្របែក ខណ្ឌចំការមន កំពុងបើកលេងយ៉ាងរំភើយ!ឯអាជ្ញាធរមូលដ្ឋានធ្វើព្រងើយហាក់មិនឃើញគ្មាននរណាម្នាក់ហ៊ានធ្វើការបង្រ្កាបឡើយ។

អ្នកញៀនល្បែងនៅទីនោះបានឲ្យដឹងថា: ទីតាំងបនល្បែងនេះមានបើកលេង បៀ អាប៉ោង និង ជល់មានតាមទូទស្សន៍ និងមានល្បែងជាច្រើនប្រភេទទៀត បើកផ្គើនបទបញ្ជានាយករដ្ឋមន្ត្រីបានយ៉ាងរំភើយ។

សូមរំលឹកថា៖ កាលនៅថ្ងៃទី១៧ ខែកញ្ញា ឆ្នាំ២០២២.សម្តេចហ៊ុនសែន បានដាក់បទបញ្ជាឲ្យ គណៈអភិបាល រាជធានី ខេត្ត ក្រុង.ទាំង២៥ ត្រូវតែឲ្យបង្រ្កាបល្បែងស៊ីសងខុសច្បាប់គ្រប់ប្រភេទ​ទូទាំងប្រទេស ដោយគ្មានការលើកលែង។បើអាជ្ញាធរនិងសមត្ថកិច្ច ស្រុក ក្រុង ខេត្តណា ដែលមិនទប់ស្កាត់ និងមិនបង្ក្រាបបទល្មើសល្បែងស៊ីសងខុសច្បាប់នៅក្នុង មូលដ្ឋាន របស់ខ្លួនទេ! អាជ្ញាធរនិងសមត្ថកិច្ចទាំងនោះនិងមានបញ្ហាប្រឈមនិងបាត់បង់ពីតំណែងទៀតផង។

ថ្មីៗនេះសម្តេចហ៊ុនសែនទើបនឹងព្រមានបន្ថែមទទៀត ប៉ុន្តែប្រសាសន៍ សម្តេចព្រមានធ្ងន់ៗជាថ្មីក៏ដោយគេឃើញថា លោកកៀង ល័ក្ស អភិបាលខណ្ឌ លោកចៅសង្កត់បឹងត្របែក នឹងមេប៉ុស្តិ៍បឹងត្របែក មិនខ្ចីយកត្រចៀកស្តាប់ចាត់តាំងចុះបង្ក្រាបដែរ មិនខុសពីអីនឹងសភាពចាក់ទឹកលើក្បាលសត្វទានោះទេ។

ជារៀងរាល់ថ្ងៃ អ្នកញៀនល្បែងជិះម៉ូតូ និងរថយន្តសេរីទំនើបៗ ចូលលេងយ៉ាងគគ្រឹកគគ្រេង ប៉ុន្តែ អាជ្ញាធរខណ្ឌចំការមន ប៉ុស្តិ៍រដ្ឋបាលបឹងត្របែកមិនខ្វល់ឡើយធ្វើព្រងើយ ផ្គើនទៅនិងបទបញ្ជារបស់សម្តេចតេជោ ហ៊ុន សែន ដែលលោកតែងតែប្រកាសជារឿយៗ អោយអាជ្ញាធរនៅក្នុងមូលដ្ឋានធ្វើការទប់ស្កាតល្បែងសុីសងខុសច្បាប់អោយអស់នោញឡើយ។

មហាជនគ្រប់មជ្ឈដ្ឋាននៅខណ្ឌចំការមនសុំស្នើរដល់ឯកឧត្តម ឃួង ស្រេង អភិបាលរាជធានីភ្នំពេញ និងលោកឧត្តមសេនីយ៍
ឯក ស ថេត អគ្គស្នងការរង និងជាស្នងការនគរបាលរាជធានី
ភ្នំពេញ សូមជួយចាត់កម្លាំងចុះធ្វើការបង្ក្រាបទីតាំងល្បែងស៊ី
សងខាងលើនេះផងទានត្បិតអីអាជ្ញាធរមូលដ្ឋាន ហាក់លែងស្តាប់បទបញ្ជាសម្តេចនាយករដ្ឋមន្តី្រនោះទេ ដោយពួកគាត់មិនបង្ក្រាបល្បែងសុីសងខុសច្បាប់នៅក្បែគ្រាប់់ភ្នែកពួកគាត់ឡើយ៕