ក្រចេះ ៖ ប្រជាពលរដ្ឋត្រូវ គេរាយការណ៍ថា បាននាំគ្នាឡោមពទ្ធ័កុដិ ព្រះចៅអធិការ ក្នុងវត្តមួយ នៃខេត្តក្រចេះបន្ទាប់ពីព្រះចៅអធិការអង្គនោះ រងការចោទបាន នៅជាមួយមនុស្សស្រីពេញមួយយប់ ។
ហេតុការណ៍ឡោមព័ទ្ធបានកើតមានឡើងតាំងពីយប់ថ្ងៃទី២៣ កញ្ញា ដល់ព្រឹកថ្ងៃ២៤ កញ្ញា និងពេលដែលសមត្ថកិច្ច បានចុះទៅដល់ក៏ប្រទះ មនុស្សស្រីនៅលើកុដិនោះមែន ។
ស្ត្រីនោះបានឆ្លើយថា នាងបានគេងលើកុដិព្រះសង្ឈ គឺមិនមែននៅតែម្នាក់ឯងនោះទេ គឺនៅជាមួយម្ដាយនិងប្អូនប្រុសម្នាក់ទៀត ដោយសារតែនាងមកស្រោចទឹកនៅវត្តនោះ រហូតដល់ ពេលយប់មិនអាចត្រលប់ទៅផ្ទះវិញ បាននិងខ្លាចសុវត្ថិភាព ទើបសុំព្រះសង្ឃគេង នៅលើកុដិលោក ។
ព្រះមេគន្ធនិងមន្ត្រីធម្មការ បាននិយាយថា គេមិនអាចដាក់វិន័យចំពោះព្រះចៅអធិការអង្គនោះបានទេ ដោយសារតែមិនមានភស្ដុតាងគ្រប់គ្រាន់ ក្នុងការចោទប្រកាន់ថា ប្រព្រឹត្តខុសវិន័យសង្ឃនោះឡើយ ៕
