ខេត្តកំពត ៖ អ្នកទោស ២ នាក់ ដែលជាប់ឃុំ នៅពន្ធនាគារខេត្តកំពត បានលួចរត់គេចបាត់ខណៈអនុរក្សនាំទៅធ្វើការនៅពន្ធនាគារថ្មី ស្ថិតក្នុងភូមិព្រែកអំពិល ឃុំកោះតូចស្រុកទឹកឈូ កាលពីវេលាម៉ោង ១២ ថ្ងៃត្រង់ ថ្ងៃទី ១០ ខែកញ្ញា ឆ្នាំ២០១៤ បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចម្រុះស្រុកនិង ខេត្ដ បើកប្រតិបត្ដិការតាមចាប់ខ្លួនអ្នកទោសទាំង២នាក់ មកដាក់ពន្ធនាគារវិញ ។
បើតាមប្រភពព័ត៌មានពីលោក ជា រិទ្ធី ប្រធានស្តីទីពន្ធនាគារខេត្តកំពត បានឱ្យដឹងថា មានអ្នកទោស ២ នាក់បានលួចរត់បាត់ពេលមន្ត្រីអនុរក្ស នាំទៅធ្វើការនៅពន្ធនាគារថ្មី ហើយពួកគេសុំទៅបត់ជើងក៏លួចរត់បាត់តែម្តង ។
ប្រភពដដែលបន្ដថា អ្នកទោសទាំងពីរនាក់ម្នាក់ឈ្មោះ សង៉ុក ភេទប្រុស និងម្នាក់ទៀតឈ្មោះ ស៊ន់ ស្រាន ភេទប្រុស ។ ទាំង ២ នាក់ជាប់ឃុំនៅពន្ធនាគារខេត្ដ ៕
