ព្រះសីហនុ ៖ ក្រុមគ្រួពេទ្យច្រើននាក់នៅក្នុងខេត្តព្រះសីហនុ ដែលដឹងរឿងការកែឆ្នៃប្រហិត ត្រីសមុទ្ររបស់អ្នកស្រីជាផល្លានៅផែ៦៦ក្នុងល្អាងទំនប់រលកក្រុងព្រះសីហនុនោះបាននិយាយថា ក្រសួងគប្បីបិទស្ថាពរចំពោះទីតាំងកែឆ្នៃប្រហិតនោះទៅកុំចូលរួមបំផ្លាញនិងសម្លាប់ពលរដ្ឋខ្មែរនៅទូទាំងប្រទេសដោយសារតែលាភសក្ការះបន្តិចបន្តួចក្នុងនយ័អំពើពុករលួយ។
ក្រុមគ្រូពេទ្យទាំងនោះបានបញ្ជាក់ថា ជាធម្មតាការកែឆ្នៃប្រហិតត្រីសមុទ្រនោះគេមិនដែលយកត្រីល្អស្រស់មកធ្វើនោះទេ ព្រោះវាមិនចំណេញដូចនេះគេតម្រូវយកតែត្រីជីស្អុយៗមកផលិត ដើម្បីទុកសាច់ប្រហិតនោះឲ្យនៅស្រស់និងមិនស្អុយ គេតែងប្រើថ្នាំពីរយ៉ាងទី១គឺម្សៅបូរ៉ាក់ ដើម្បីរក្សាគុណភាពនិងទី២ថ្នាំហ្វកម៉ុលរក្សាក្លិនមិនអោយស្អុយដូចនេះថ្នាំទាំងពីរយ៉ាងនេះនិងធ្វើឲ្យប៉ះពាល់ដល់សុខភាពពលរដ្ឋយ៉ាងធ្ងន់ធ្ងរដូចនេះមិនចាំបាច់ ជនបរទេសណាមកសម្លាប់ខ្មែរនោះទេគឺខ្មែរសម្លាប់ខ្មែរដ៏ពិតៗតែម្តង ។ប្រការនេះក្រសួងឧស្សាហកម្មនិងសិប្បកម្មគួរតែពិចារណានិងបិទអាជីវកម្មនេះតែម្តងទៅ ។
ពាក់ពន្ធ័នឹងការបិទហើយបើក ដូចផ្លេកបន្ទោលចំពោះទីតាំងកែឆ្នៃប្រហិតខាងលើនេះត្រូវបានប្រជាពលរដ្ឋនៅជុំវិញនោះរិះគន់ថាក្រសួងឧស្សាកម្មនិងសិប្បកម្ម,ស្ថាបន័កាំកុងត្រូល,និងអាជ្ញាធរដែនដី គ្មានអ្នកណាមួយភក្តីភាពចំពោះពលរដ្ឋខ្លួនឯងនោះទេ គិតតែអំពើពុករលួយ ឃុបឃិតគ្នាបំផ្លាញសុខភាពសម្លាប់ប្រជាពលរដ្ឋខ្លួនតែប៉ុណ្ណោះ ។
លោក ប្រាក់ ប្រាកដ ប្រធានមន្ទីរឧស្សាហកម្មនិងសិប្បកម្មខេត្តព្រះសីហនុបានឲ្យដឹងថា ក្រសួងគេបានយកសាច់ប្រហិតនោះទៅពិនិត្យរួចហើយឃើញថា ឥឡូវក្រសួងគេបានចុះមកធ្វើកិច្ចសន្យាឲ្យបើកធ្វើអាជីវកម្មវិញហើយ។
ទោះជាយ៉ាងនេះ ក្តីការផលិតប្រហិតត្រីសមុទ្ររបស់អ្នកស្រី ជា ផល្លានេះនៅមិនទាន់មានបច្ចេកទេសវេចខ្ចប់ និងអនាមយ័តាមស្តង់ដានៅឡើយទេ នៅតែប្រព្រឹត្តទំង្វើស្មោករោគដដែល ។
រហូតដល់ពេលនេះសកម្មភាពកែឆ្នៃប្រហិតដែលគ្មានអនាមយ័និងប្រើប្រាស់ថ្នាំគីមីបំផ្លាញសុខភាពពលរដ្ឋនៅតែបន្តដដែល។
ទាក់ទិននិងករណីនេះអ្នកស្រីជា ផល្លា ម្ចាស់សិប្បកម្មកែឆ្នៃប្រហិតនោះមិនអាចទំនាក់ទំនងសុំការបំភ្លឺបានទេនៅពេលនេះព្រោះអ្នកស្រីនោះកំពុងមានការគេចវេសពីអ្នកសារពត៌មាន ៕
