កិច្ចប្រជុំនេះប្រព្រឹត្តរយៈពេល១ព្រឹក រៀបចំដោយមន្ទីរមុខងារសាធារណៈ ខេត្តព្រះសីហនុ កាលពីព្រឹកថ្ងៃទី ១៩ ខែ សីហា ឆ្នាំ ២០១៤ ដោយមានតំណាងចូលរួមមកពីមន្ទីរ អង្គភាព ស្ថាប័នរដ្ឋ ក្នុងខេត្តព្រះសីហនុ ។
លោក ណុប អូ ប្រធានមន្ទីរមុខងារសាធារណៈ ខេត្តព្រះសីហនុ ជាអ្នកដឹកនាំ នៃកិច្ចប្រជុំមានប្រសាសន៏លើកឡើង អំពីគោលបំណងនៃការ ផ្សព្វផ្សាយការរៀបចំផែនការសកម្មភាព និង គំរោងនានារបស់មន្ទីរមុខងារសាធារណៈ រាជធានី ខេត្ត មានតួនាទីក្នុងដែនសមត្ថកិច្ច ដោយអនុវត្តអោយនយោបាយ និង ផែនការការងាររបស់ក្រសួងមុខងារសាធារណៈ ដែលពាក់ព័ន្ឋនឹងថ្នាក់ក្រោមជាតិ ដើម្បីធានានូវការអភិវឌ្ឍន៏សេដ្ឋកិច្ច សង្គមកិច្ច និង ការអភិវឌ្ឍន៏តាមបែបប្រជាធិបតេយ្យ នៅថ្នាក់ក្រោមជាតិ លើកយោបល់រៀបចំផ្សព្វផ្សាយសម្របសម្រួល តាមដាន និង វាយតំលៃ លើការអនុវត្តគោលនយោបាយ និង ផែនការការងារក្នុងការគ្រប់គ្រង និង អភិវឌ្ឍន៏ធនធានមនុស្ស នៅថ្នាក់ក្រោមជាតិ ជួយគណៈអភិបាល និង ក្រុមប្រឹក្សាក្នុងការគ្រប់គ្រងមន្ត្រីរាជការស៊ីវិល តាមការធ្វើប្រតិភូកម្មអំណាចដល់ថ្នាក់ក្រោមជាតិ ។
លោកប្រធានមន្ទីរមុខងារសាធារណៈ មានប្រសាសន៏ ដោយបង្ហាញអំពីភាពចាំបាច់ ពីតួនាទីភារកិច្ច ក្នុងដែនសមត្ថកិច្របស់មន្ទីរមុខងារសាធារណៈ រាជធានី ខេត្ត សហការជាមួយមន្ទិរអង្គភាពជំរុញ ពាក់ព័ន្ឋអង្គការជាតិ និង អន្តរជាតិ និង ដៃគូ អភិវឌ្ឍន៏ក្នុងការអនុវត្តកម្មវិធីនយោបាយ របស់រាជរដ្ឋាភិបាល ក្របខ័ណ្ឌយុទ្ឋសាស្ត្រ ស្តីពីកំណែទំរង់មជ្ឍកា និង វិសហមជ្ឍការ គោលនយោបាយស្តីពីសេវាសាធារណៈគោលនយោបាយ ស្តីពីធនធានមនុស្សក្នុងរដ្ឋបាល សាធារណៈគោលនយោបាយស្តីពីការគ្រប់គ្រង និង ការអភិវឌ្ឍន៏ធនធាមនុស្ស នៅរដ្ឋបាលថ្នាក់ក្រោមជាតិ និង ក្របខ័ណ្ឌ គតិយុត្តិពាក់ព័ន្ឋនានា ដើម្បីការអភិវឌ្ឍន៏វិស័យមុខងារសាធារណៈ ៕
