ស្ត្រីជនជាតិរុស្ស៊ីពីរនាក់បើករថយន្តវីស្តូមួយគ្រឿងបោះពួយយ៉ាងលឿនជ្រុល ទៅបុកចំពីក្រោយម៉ូតូអ៊ែប្លែកអូសជិត៤០ម៉ែត្រ សំណាងល្អម្ចាស់ម៉ូតូរងរបួស ស្រាល។ហេតុការណ៍គ្រោះថ្នាក់ចរាចរណ៍បង្ករឡើងដោយរថយន្តនេះបានកើតឡើង កាលពីវេលាម៉ោង២០និង៤៥នាទីយប់ថ្ងៃទី១៤ ខែឧសភា ឆ្នាំ២០១៤ នៅត្រង់ចំណុចមុខមន្ទីរសុខាភិបាលខេត្តព្រះសីហនុ ស្ថិតក្នុងភូមិ៤ សង្កាត់៤ ក្រុងខេត្តព្រះសីហនុ។
ប្រភពពីប្រជាពលរដ្ឋ នៅក្បែរនោះបានអោយដឹងថា មុនពេលកើតហេតុគេ គេឃើញរថយន្តមួយគ្រឿងម៉ាក វីស្តូ ពណ៌លឿង ពាក់ស្លាក់លេខ សៀមរាប 2A-9061 ទិសដៅពីជើងទៅត្បូង បើកបរដោយស្ត្រីជនជាតិរុស្ស៊ីម្នាក់និងរួមដំណើរជាមួយមិត្តភក្តិ៍ម្នាក់ទៀតជាស្ត្រីដូចគ្នា កំពុងជជែកគ្នា ក្នុងរថយន្តស្រាប់តែមកដល់កន្លែងកើតហេតុរថយន្តក៏ជ្រុលចង្កូតទៅបុកម៉ូតូមួយគ្រឿង ទៀតម៉ាកអ៊ែប្លែតពណ៌ប្រផេះគ្មានស្លាកលេខយ៉ាងពេញទំហឹងអូសម៉ូតូទៅមុខនិងខ្ទាតចំងាយជិត៤០ម៉ែត្រតែសំណាងល្អបុរសជាម្ចាស់ម៉ូតូដែលកំពុងបើកបរធ្វើដំណើរស្រប់ទិសគ្នានោះរងរបួសស្រាល ។ ឯភាគីខាងរថយន្តពេលបើក ទ្វារចុះចេញមកក្រៅ ក៏ឃើញបុរសជាជនជាតិរុស្ស៊ីមានគ្នាពី៣ទៅ៤នាក់ជិះម៉ូតូ មកឈប់ពីក្រោយរួចបានស្រែកជេរឡូឡារ រករឿងនិងចង់ប្រើអំពើរហឹង្សាមកលើក្រុមអ្នកសារព័ត៌មាន ដោយបុរសនោះហាមមិនឲ្យថតផ្តិតយករូបភាពនៅទីនោះ ធ្វើអោយមានការភ្ញាក់ផ្អើល ពេញកន្លែងកើតហេតុថែមទៀត ទង្វើដែលគេធ្ចើហាក់បីជាប្រទេសមួយគ្មានច្បា់ប់ទម្លាប់រួមទាំងស្តាប់សមត្ថកិច្ចនគរបាលចរាចរណ៍ធ្វើការសម្របសម្រួលទាល់តែសោះ។
ក្រោយពេលកើតហេតុទាំងរថយន្តនិងម៉ូតូត្រូវបានសមត្ថកិច្ចធ្វើការវាស់វែងរួចយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយនៅព្រឹកស្អែក៕
