ខេត្តរតនគិរី ៖ ភ្នាក់ងារឬបុគ្គលិកអង្គភាពព័ត័មានកាសែតឯកជនក្នុងស្រុក០២រូប ត្រូវក្រុមឈ្មួញរកស៊ីជំនួញឈើមួយហ្វូងគំរាមសំលាប់ និង បានវាយកំទេចរថយន្តបណ្តាលអោយខូចខាតខណៈពួកគាត់ត្រលប់មកពីបំពេញការងារ របស់ខ្លួន ។ ចំណែកអាជ្ញាធរបានត្រឹមបញ្ជូនទៅនេះទៅនោះ និងឆ្លើយមូលហេតុយ៉ាងនេះមូលហេតុយ៉ាងនោះ និងចាំ ពេលនេះ ចាំពេលនោះ ធ្វើអោយមានការកក់ក្តៅយ៉ាងខ្លាំង។
អ្នកកាសែត០២ដែលរងនៅការគំរាមសំលាប់ និងរថយន្តត្រូវវាយកំទេចពីឈ្មួញឈើនោះគឺ ០១ឈ្មោះយ៉ន ទិត បុគ្គលិកកាសែត ខេមបូឌាបុស្តិ៏ និង វាលឥន្ទ្រីយ៏ ប្រចាំខេត្តរតនគិរី ។ ០២ ឈ្មោះភួង ផុន បុគ្គលិកកាសែត ភ្នំពេញដេលី និងជ័យជំនះថ្ងៃ ៧ មករា ប្រចាំខេត្តរតនគិរី។
ហេតុការណ៏នេះ បានកើតឡើងកាលពីវេលាម៉ោង១២និង១៥នាទី ថ្ងៃទី១៥ ខែសីហា ឆ្នាំ២០១៤ លើបណ្តោយផ្លូវក្រាលគ្រួសក្រហម១ខ្សែ ស្ថិតត្រង់ចំនុចព្រៃស្ងាត់ឃ្លាតចំងាយ៣០០មែត្រទៅ៤០០មែត្រ ពីបុស្តិ៏នគបាលឃុំយ៉ាទុង ក្នុងផុមិតេន ខុំយ៉ាទុង ស្រុកអូរយាដាវ ខេត្តរតនកិរី។
ជនរងគ្រោះខាងលើបានលើកឡើងថា កាលពីវេលាម៉ោង១០និង១៥នាទី ថ្ងៃទី១៥ខែសីហា ឆ្នាំ២០១៤ពួកគាត់ទាំង២នាក់បានបើករថយន្តចេញពីក្រុងបានលុងឆ្លងកាត់ភូមិតេនបន្តដំណើរឆ្ពោះទៅគោលដៅព្រៃគមន៏ភូមិសំ ដើម្បី ផ្តិតយករូបភាពជុំវិញមានសេចក្តីរាយការមកថាៈ មានឈ្មួញមានអំណាចកាប់ព្រៃវាទីយកដីធ្វើជាកម្មសិទ្ធិ ។
ខណៈដែលពួកគាត់ធ្វើដំណើរជិតដល់គោលដៅ ក៏បានប្រទះឃើញមានរថយន្តគោយន្តឆ្នៃចំនួន០១គ្រឿងដឹកឈើពេញនៅក្នុងរថយន្ត នៅពីមុខរថយន្តរបស់ខ្លួន ក្នុងទិសដៅស្របគ្នាក៏យកកាមេរាថតរថយន្តដឹកឈើនោះខណៈម្ចាស់រថយន្តដឹកឈើឈ្មោះ ភន បាននិយាយមកកាន់ពួកគាត់ថាៈគាត់ដឹកឈើធ្វើផ្ទះ។
ពួកគាត់លើកឡើងទៀតថាៈក្រោយពីម្ចាស់រថយន្តដឹកឈើប្រាប់ថាដឹកឈើយកទៅធ្វើ ផ្ទះ ពួកគាត់បានប្រាប់វិញ ថាបាទ! បើបងប្អូនយើងដឹកឈើទាំងនេះយកទៅធ្វើលំនៅឋាននោះ សូមអញ្ជើញទៅចុះពួកខ្ញុំមិនមានថាអ្វីទេ តែពួកខ្ញុំថតមេញនេះស្មានតែពួកឈ្មួញធ្វើជំនួញឈើប្រណិតនោះទេតើ?បើអញ្ចឹង ពួកខ្ញុំសូមធ្វើដំណើរទៅមុខទៀតហើយ។
តែពេលដែលលោកយ៉ន ទិត និងលោកភួងផុនបើករថយន្តវិលត្រលប់មក ក្រុងបានលុងវិញ តាមផ្លូវដដែលនោះ មកដល់នៅចំងាយប្រមាណពី៣០០មែត្រ ទៅ៤០០មែត្រ ដែលស្ថានភាពផ្លូវចុះចំណោត និងមានលក្ខណៈកណ្តាលព្រៃស្ងាត់ថែមទៀតនោះ ស្រាប់តែឃើញ ឈ្មោះ ភន និងមនុស្សជិត២០នាក់ទៀតប្រដាប់ដោយ កាំបិត ពូថៅ ដាវសាំម៉ូរ៉ៃ ចបកាប់ នាំគ្នាដាក់ឈើទទឹងផ្លូវ ហើយស្ទុះមកវាយបំបែក កញ្ចក់រថយន្តបណ្តាលអោយខូចខាតយ៉ាងដំណំ និងបានគំរាមសំលាប់ទៀតផង។
អ្នកនៅក្នុងហេតុការណ៍និយាយថាៈពួកគាត់បានត្រឹមតែសួរថាតើបងប្អួនខឹងនឺងពួកខ្ញុំហើយមកវាយកំទេចរថយន្ត យ៉ាងនេះព្រោះតែអ្វី? មើលយើងសូមនិយាយគ្នាអោយដឹងហេតុផលសិនមើល?។ ស្រាប់តែភ្លាមនោះ ឈ្មោះភន មេក្លោងដើមហេតុ ដែលជាម្ចាស់រថយន្តដឹកឈើនិយាយថាៈបើអាឯងនិយាយសុំលុយអញនោះអញមិនខឹងទេ តែអាឯងថតហើយមិនសុំលុយអញអញ្ចឹង ទើបអញខឹង!។ទើមភ្លាមៗនោះឈ្មោះ ភន បានបញ្ជាអោយបក្សពួកមកយកកាមេរារបស់អ្នកកាសែត លុបរូបចោល និងទាញកាំមេរាបំរ៉ុងកំទេចចោលថែមទៀត។
អ្នកកាសែតបន្តថា នៅបន្ទាប់ពីមានហេតុការនោះពួកគាត់បានបន្តដំណើរទាំងរថយន្តរង់នៅការខូចខាតយ៉ាងដំណំនោះ ក៏បានទួរសព្ទ័ប្តឹងទៅលោក ម៉ា វិចិត្រ អភិបាល ស្រុកអូរយាដាវ ក៏ត្រូវលោកបង្គាប់អោយកាសែតទៅដាក់ពាក្យបណ្តឹងនៅមូលដ្ឋានកងរាជអាវុធស្រុកអូរយាដាវ ភ្លាមនោះពួកអ្នកកាសែត ក៏បានសសេរពាក្យបណ្តឹង ដាក់ជូនមន្ត្រីនៅមូលដ្ឋានកងរាជអាវុធហត្ថរួចរាល់ពេលនោះផងដែរ។
នៅបន្តាប់មក លោក សុខ មីន មេបញ្ជាមូលដ្ឋានកងរាជអាវុធហត្ថស្រុកអូរយាដាវ បានបញ្ជាក់តាមទូរសព្ទ័ថាៈពាក្យបណ្តឹងគឺ កំលាំងលោកបានទទួលហើយ តែនៅពេលនេះពុំមានកំលាំងចុះធ្វើទេ ពីព្រោះកំលាំងជាច្រើនបានទៅរៀននៅភ្នំពេញអស់ហើយ ចាំមួយអាទិត្យទៀតសិន ចាំខ្ញុំធ្វើការអង្កេតចាត់ការរឿងនេះអោយ។
អ្នកកាសែតបានទួរសព្ទ័ទៅលោកម៉ាវិចិត្រ អភិបាលស្រុកអូរយាដាវជាថ្មីម្តងទៀតតែលោកម៉ាវិចិត្របាននិយាយថាៈរឿងរ៉ាវជាក់ស្ដែងកើតឡើង មានគេទៅប្តឹងហើយ បែរជាឆ្លើយថាៈមិនមានកំលាំងធ្វើការអញ្ចឹងម៉េចហ្នឹងកើត ។ តែយ៉ាងណាលោកម៉ាវិចិត្របានប្រាប់ថា សូមអោយអ្នកកាសែតជំរាប់ទៅលោកព្រះរាជអជ្ញាទៅ! ។
អ្នកកាសែតលើកឡើងថា ពេញមួយថ្ងៃ ក្នុងថ្ងៃដែលកើតមានអំពើអសន្តិសុខ ករណីប៉ុនប៉ងសំលាប់និងបានបំផ្លាញទ្រព្យសម្បត្តិ អ្នកដទៃដោយចេតនា បានកើតមានចំពោះអ្នកកាសែត នៅចំនុចកើតហេតុខាងលើគឺអ្នកសារពត៏មាន ទាំងពីរ រូបនិង២អង្កភាព ដែលមានឈ្មោះខាងលើ បានត្រឹមតែទទួលបានយុត្តិធម៏ ពីសំណាក់អស់លោកបំរើជាតិ បំរើពលរដ្ឋនៅក្នុងមូលដ្ឋានស្រុកអូរយាដាវទាំងក្តីឈឺផ្សារក្នុងចិត្ត តែប៉ុណ្ណោះ។
អ្នកកាសែតរងគ្រោះនោះបានបញ្ជាក់ថា ដើម្បីសិទ្ធិ សិរីភាព និងសេចក្តីថ្លៃថ្នូរទាមទាអោយខ្លួនឯង ក៏ដូចជាការចង់ឃើញពីសន្តិសុខ ប្រកបដោយតម្លាភាពមានសេចក្តី សុខ និងសុវត្ថិភាពដល់ពលរដ្ឋគ្រប់រូបទូទៅនៅក្នុងដំបន់កើតហេតុខាងលើដែលកំពុងតែហាក់មានភាពអនាធិបតេយ្យ ដែលតែងតែមានការលិចលឺកន្លងមកថាៈមានក្មេង ទំនើង បង្ករការកាប់ចាក់ តាមវាយបំផ្លាញ និង ការបង្គ្រោះថ្នាក់ដល់រូបកាយ ពលរដ្ឋ ជាអ្នកធ្វើដំណើរឆ្លងកាត់ ជាពន្តបន្ទាប់ពុំរំសាយនោះ តើអជ្ញាធរ័គ្រប់ស្ថាបន័ដែលកំពុងតែដឹកនាំដោយលោក ម៉ា វិចិត្រ ជាប្រធានគណៈកម្មការ ឯកភាពថ្នាក់ស្រុកនោះដែលគេស្គាល់លោកម៉ា វិចិ្តថាៈ អតីតជា អធិការឈជើងនៅទីនោះជាច្រើនអាណត្តិនោះមានកំលាំងរិទ្ធី អាចកំចាត់វិបត្តិសង្គមទាំងនេះបានជូនដល់ពលរដ្ឋ ក៏ដូចសង្គមជាតិឬមួយយ៉ាងណាដែរ? ។
អ្នកកាសែតរងគ្រោះបញ្ជាក់បន្ថែមថា ក្រោយពីមានភាពមិនទំនងអោយមានការជឿជាក់ចំពោះចំណាត់ការរបស់អាជ្ញាធរ ថ្នាក់មូលដ្ឋានស្រុក នៅក្នាងដំបន់កើតហេតុនោះ ឥឡូវ ពួក គាត់បានគ្រោងនឹងរៀបចំសំណុំរឿង ដាក់បញ្ជូនទៅសាលាងំបូងខេត្ត ដើម្បីសុំអោយស្ថាបន័តុលាការជួយចាត់ការបន្តហើយ ៕
