ខេត្តបណ្ឌលគីរី ៖ លោក ឈៀង ភក្តី ជាឈ្មួញឈើប្រណីតដ៏ធំម្នាក់នៅខេត្តមណ្ឌលគីរីនោះ ត្រូវបាន គេរាយការណ៍ឱ្យដឹងថា លោកលោកសៀង ភក្ភី កំពុងតែវ័ណ្ឌក នឹងការអនុវត្តច្បាប់របស់ក្រសួងបរិស្ថាន ហើយ ។
ប្រភពព័ត៌មានបានឱ្យដឹងថា កាលពីថ្ងៃទី ៥-៦ ខែសីហា ឆ្នាំ២០១៤ នៅចំណុចភូមិឡៅកា ឃុំសុខដុម ខណ្ឌសែនមនោរម្យ ខេត្តមណ្ឌលគីរី មានការចុះពិនិត្យវាស់វែងឈើនៅទីតាំងស្តុកដ៏ធំមួយកន្លែងដែលជារបស់ លោក ឈៀង ភក្តី ដោយតំណាងក្រសួងបរិស្ថាន និងអាជ្ញាធរខេត្តមណ្ឌលគីរី ព្រមទាំងមន្ត្រីជំនាញពាក់ព័ន្ធដទៃ ទៀត ហើយបានរកឃើញឈើខុសច្បាប់មានចំនួនដល់ជាង ៣០០ម៉ែត្រគូបឯណោះ ។
ប្រជាពលរដ្ឋបានបញ្ជាក់ថា ដីសម្បទានដែលគេកំពុងកាន់កាប់ជាយូរឆ្នាំមកហើយ នោះមានទំហំ ៧០០ហិកតា តែការដឹកឈើប្រណីតចេញពីដីសម្បទាននេះអស់រយៈពេលរាប់ឆ្នាំទៅហើយ នៅតែ មានឈើប្រណីតដឹកមិនចេះអស់។
ដោយសារតែហេតុផលនេះហើយ ទើបក្រសួងបរិស្ថានចាត់ឱ្យលោកអនុរដ្ឋលេខាធិការ ផុន សារឿន ចុះត្រួតពិនិត្យដល់ទីកន្លែងដោយផ្ទាល់ ហើយរកឃើញឈើស្តុកខុសច្បាប់ដល់ទៅជាង ៣០០ម៉ែត្រគូប ៕
អ៊ួងវឹង
