ខេត្តព្រះសីហនុ ៖ ទីតាំងសិប្បកម្មប្រហិតត្រីសមុទ្រមួយកន្លែងនៅតំបន់ទំនប់រលកសង្កាត់លេខ១ក្រុងព្រះសីហនុ (ផែលេខ៦៤)របស់អ្នកស្រីជាផលា្ល ដែលសម្បូរខ្នងបង្អែកផងនោះ ក្នុងពេលថ្មីៗនេះពលរដ្ឋនៅទីនោះបានរាយការណ៍ថា មានភាពមិនប្រក្រតីលើផ្នែកអនាមយ័ និងមានដាក់ម្ស៉ៅថ្នាំអ្វីម្យ៉ាងដែលធ្វើឲ្យសាច់ត្រីនៅស្រស់រហូតនិងមិនហើមស្អុយទៀតផងនោះ ត្រូវបានផ្អាកតែមួយដង្ហើមតូចប៉ុណ្ណោះស្រាប់តែបើកដំណើរការជាធម្មតាវិញ បើទោះបីជាពុំទាន់មានលទ្ឋផលពីក្រសួងពាក់ព័ន្ឋ និង មន្ទីជំនាញយ៉ាងណាក៏ដោយ។
ពលរដ្ឋនៅទីនោះបានខ្សិបប្រាប់ថា ការផលិតសាច់ប្រហិតរបស់អ្នកស្រីជាផល្លានេះពិតជាយ៉ាប់ទៅហើយ សព្វថ្ងៃគាត់ទិញយកត្រីណាដែលមានតម្លៃថោកបំផុត យកមកឲ្យកម្មករដើរជាន់ឈ្លីពីលើនិងដងទឹកសមុទ្រស្អុយក្រោមផែមកលាងសំអាត ហើយចាត់ការតែម្តង ប៉ុន្តែអ្វីដែលគួរឲ្យសង្សយ័បំផុតនោះគឺត្រង់កម្មករយកត្រីទៅកិនចេញជាសាច់ប្រហិតដោយមានលាយម្ស៉ៅអ្វីម្យ៉ាងដែលធ្វើឲ្យសាច់ត្រីនៅស្រស់មិនស្អុយមិនហើមទៀតផង។ប្រភពដ៏ដែលបានបន្តថា កាលពីប៉ុន្មានថ្ងៃមុនគេបានឃើញមន្ត្រីឧស្សាហកម្មចុះមកឃាត់តែផ្អាកបានតែ២ថ្ងៃស្រាប់តែសិប្បកម្មនេះបើរតំណើរការជាធម្មតាវិញ ឯត្រីចំរុះគ្រប់ប្រភេទបានដឹកចូលទាំងតោនៗមិនឈប់ឈររហូតដល់ម៉ោង១១ព្រឹកថ្ងៃទី០៨ កន្លងទៅនេះ។
ពាក់ពន្ធ័និងករណីមិនប្រក្រតីខាងលើនេះ លោក ហេង ពន្លក តំណាងម្ចាស់សិប្បកម្មបានអះអាងថា ទីតាំងរបស់លោកពុំបានធ្វើអ្វីដូចការចោទប្រកាន់នោះទេ កន្លងមកខាងក្រសួងឧស្សាហកម្មក៏ធ្លាប់ចុះមកពិនិត្យម្តងជាពីរដងដែរហើយនៅពេលថ្មីៗនេះខាងមន្ទីឧស្សាហកម្មបានចុះធ្វើការផ្អាកសិប្បកម្មរបស់លោក តែដោយត្រីនៅសល់ទើបលោកធ្វើបង្ហើយអោយអស់រួចទើបផ្អាករងចាំលទ្ឋផលដែលខាងមន្តីរឧស្សាហកម្ម យកសាច់ត្រីរបស់លោកទៅនិត្យនៅក្រសួង។
លោក ព្រំ ដូលីន ប្រធានសាខាកាំកុងត្រូលខេត្តព្រះសីហនុ បានបញ្ជាក់ថាចំពោះទីតាំងធ្វើប្រហិតត្រីមួយកន្លែងនេះ លោកធ្លាប់បានបញ្ជូនមន្ត្រីរបស់លោកទៅធ្វើការពិនិត្យម្តងហើយកាលពីថ្ងៃទី០៦តែដោយកាលនោះខាងសិប្បកម្មពុំមានតំណើរការ ទើបពុំមានការត្រួត្យពិនិត្យហើយបើថ្ងៃនេះខាងសិប្បកម្មដំណើរការលោកនឹងអោយមន្ត្រីរបស់លោកចុះទៅពិនិត្យម្តងទៀតដើម្បីយកសាច់ត្រីមកពិសោធន៏ថាតើមានសារធាតុធ្វើអោយប៉ះដល់សុខភាពបងប្អូនប្រជាពលរដ្ឋពិតមែនរឺយ៉ាងណា ហើយប្រសិនបើរកឃើញថាមានផលប៉ះពាល់ពិតមែននោះលោកនឹងបញ្ឈប់សិប្បកម្មនោះភ្លាម មិនអនុញ្ញាតអោយដំណើរការទៀតនោះទេ។
ដោយឡែក លោក ប្រាក់ ប្រាកដ ប្រធានមន្ទីឧស្សាហកម្ម និង សិប្បកម្មខេត្តព្រះសីហនុ បានបញ្ជាក់យ៉ាងច្បាស់ថាទីតាំងកិនសាច់ត្រីធ្វើជាប្រហិតនេះលោកធ្លាប់បានចេញលិខិតអោយបញ្ឈប់រងចាំលទ្ឋផលពីក្រសួងតែដោយសារត្រីនៅសល់លោកបានអនុញ្ញាត្តិអោយធ្វើបង្ហើយសាច់ត្រី តែបើខាងភាគីសិប្បកម្មនៅតែបន្តសកម្មភាពលើសអំពីអ្វីដែលបានស្នើរស៊ុំលោកដាច់ខាតមិនអនុញ្ញាតិ្តអោយសិប្បកម្មមួយនេះតំណើរការដាច់ខាត៕
ដោយ ភ្នំព្រឹក
