នីហ្សេរីយ៉ា : ប៉ូលីសនីហ្សេរីយ៉ា បាននិយាយថា ស្ត្រីម្នាក់ត្រូវបានប្តី វាយសម្លាប់ បន្ទាប់ពីនាងបដិសេធ មិនព្រមរួមភេទ ជាមួយគ្នានៅ កណ្តាលវាលស្រែ ក្បែរផ្ទះរបស់ខ្លួន។ បុរសដៃដល់ជាប្តី ឈ្មោះ Bassey Akwa Ibom អាយុ៤៥ឆ្នាំ បានវាយនាងជាប្រពន្ធ ឈ្មោះ Mmamma Ibom ដែលពួកគេទាំងពីរ គឺជាកសិករ រស់នៅក្នុងតំបន់ Iwuru និងមាន កូន៧នាក់។
នៅថ្ងៃកើតហេតុ សាក្សីដែលបានឃើញ រាយការណ៍ប្រាប់ប៉ូលីសថា ប្តីប្រពន្ធពីរនាក់នេះ បាននាំគ្នាទៅធ្វើស្រែ ហើយមួយសន្ទុះក្រោយ បុរសជាប្តីបញ្ជាប្រពន្ធ ឲ្យមានសិចជាមួយខ្លួន តែនាងមិនព្រម ដោយប្រាប់ឲ្យគេរង់ចាំមកដល់ផ្ទះ សិនទៅ។
បុរស ជាប្តី ខឹងជាខ្លាំងក៏ស្ទុះទៅវាយប្រពន្ធ ឲ្យរងរបួសជាច្រើនកន្លែង រហូតដល់ស្លាប់តែម្តង។ Bassey Akwa Ibom ក៏ត្រូវចាប់ខ្លួនបញ្ជូន ទៅតុលាការ កាត់ទោសឲ្យជាប់ពន្ធនាគារ។ រីឯកូនៗទាំង៧ ត្រូវបានប្រធានសហគមន៍ ក្នុងតំបន់ដែលពួកគេរស់ នៅយកទៅចិញ្ចឹមថែរក្សា៕
