កោះកុង ៖ បែកធ្លាយរឿងដ៏ក្តៅកគុកមួយទៀតហើយ នៅរសៀលថ្ងៃទី៤ ខែកក្កដា ឆ្នាំ២០១៤ មានរថយន្តមួយទៀតចូល តាមច្រកអន្តរជាតិចាំយាមនៃខេត្តកោះកុង ។ ត្រូវបានគេរាយការណ៏ថា មានរថយន្តផ្ទុកសាច់មាន់ ជង្គង់មាន់ ក្រញាំជើង មាន់ខូច គុណភាព ប្រមាណជិត២០តោន ។ នៅពេលដែលសមត្ថកិច្ចប្រចាំច្រកមិនហ៊ានបង្ក្រាប ឡើយ ពីព្រោះ……………..។
មន្ត្រីជំនាញមួយរូប ដែលប្រចាំការច្រកចាំយាម បានរំលឹកប្រាប់អ្នកសារព័ត៌មានថា សាច់មាន់ខូចគុណភាពដែលរាជរដ្ឋាភិបាលបានហាមដាច់ខាត ពីឆ្នាំ ២០១២ កន្លង មក ស្រាប់តែស្ងាត់ៗមានច្បាប់អនុញ្ញាតអោយនាំចូលសាច់មាន់ដែលខូច គុណភាពរយះពេល១៦ថ្ងៃ ដល់ទៅជិត ៤០តោន ចាប់ពីថ្ងៃទី១៩ ខែឧសភា ឆ្នាំ២០១៤ នោះមក ។
ប្រភពបានបន្តថា សង្ស័យមានការឃុបឃិតគ្នាដើម្បីផលប្រយោជន៏ប៉ុណ្ណោះ ទើបមុខទំនិញដែលខូចគុណភាពទាំងនេះអាច នាំចូលបានតែអ្នកមានអំណាចតែប៉ុណ្ណោះ ។
ប្រជាពលរដ្ឋបានរិះគន់ថា មន្ត្រីសមត្ថកិច្ចបង្ក្រាបបានតែអ្នកជួញដូរបន្តិចបន្តួចគឺ ចាប់ មិនអោយរបូតពីកណ្តាប់ដៃដែករបស់ពួកគេទេ បើសិនបានហុចលុយអោយនោះ បើជារបស់អ្នកមានអំណាចវិញ បែរជាសមត្ថកិច្ចធ្វើមិនដឹង ហើយជួយបិទបាំងថែមទៀត ។ តើទង្វើទាំងអស់នេះយល់ថា យុត្តិធម៌ ឬយ៉ាងណា ? ពលរដ្ឋផ្សេងទៀតក្នុងក្រុងខេមរភូមិន្ទ ខេត្តកោះកុង បានព្រួយបារម្ភថា ពិភពលោកកំពុងភ័យខ្លាចអំពីជម្ងឺផ្តាសសាយបក្សី សុខៗនាំសាច់មាន់ខូចគុណភាពចូលមកយ៉ាងច្រើនសន្ធឹក
សន្ធាប់យ៉ាងនេះតើមានបំណងអ្វី ៕
