បន្ទាយមានជ័យ ៖ លោក អោម ចន្ថា អតីតនាយករដ្ឋបាល សាលាខេត្តត្រូវបានតែងតាំងជាអភិបាលរងនៃគណះអភិបាលខេត្តបន្ទាយមានជ័យ ក្រោមអធិបតី ឯកឧត្តម សក់ សេដ្ឋា រដ្ឋលេខាធិការក្រសួងមហាផ្ទៃ។
ពិធីនេះបានរៀបចំធ្វើឡើងនៅព្រឹកថ្ងៃទី១៣ខែមិថុនាឆ្នាំ២០១៤ នាសាលប្រជុំសាលាខេត្តបន្ទាយមានជ័យ។
យោងតាមអនុក្រិត្យរបស់រាជរដ្ឋាភិបាលកម្ពុជាលេខ៨២២អនក្រ ដែលចុះថ្ងៃទី៣០ខែឧសភាឆ្នាំ២០១៤បានតែងតាំងលោកអោម ចន្ថា ជាអភិបាលរងនៃគណះអភិបាលខេត្តបន្ទាយមានជ័យ ជំនួស លោក អ៊ី ឡុង ដែលអតីតជាអភិបាលរង ហើយបានជាប់ឆ្នោត ជាសមាជិកក្រុមប្រឹក្សាខេត្តនាពេលកន្លងមក ។ ក្នុងនោះ លោក ឈឿន ក្រៃយ៉ុង ជានាយករងរដ្ឋបាល ក៏ត្រូវបានតែងតាំងជានាយករដ្ឋបាលជំនួសលោក អោម ចន្ថា ដែលទៅទទួលការងារថ្មី តាមប្រកាសក្រសួងមហាផ្ទៃលេខ ១៥៥៩ប្រ. ក ចុះថ្ងៃទី១៦ខែឧសភាឆ្នាំ២០១៤ ៕
គង្គា
