កោះកុង ៖ ករណីក្នុងការចុះបង្ក្រាបនេះ ក្រោមការចង្អុលបង្ហាញពីលោកឧត្តមសេនីយ៏ត្រី ថុង ណារ៉ុង ជាមេបញ្ជាការកងរាជអាវុធហត្ថខេត្តកោះកុង បានចុះ ប្រតិបត្តិការនេះ នៅចំណុចលើផ្លូវខាងមុខ អធិការក្នុងក្រុងខេមរភូមិន្ទ ដែលកំពុងជួញដូរគ្រឿងញៀន ដោយជនសង្ស័យមានគ្នា៥នាក់ ប្រុស៣នាក់ ស្រី ២ នាក់ ។
កាលពីវេលាម៉ោង ១យប់ ថ្ងៃទី៨ ខែមិថុនា ឆ្នាំ២០១៤ ដោយរឹបអូសបានម៉ូតូចំនួន២គ្រឿង យ៉ាម៉ាចំនួន៤៤គ្រាប់និងម៉ាទឹកកក ១កញ្ចប់តូច ។ ជនសង្ស័យទី ១-ឈ្មោះ កែវ សា ភេទប្រុស អាយុ៣១ឆ្នាំ ជនជាតិខ្មែរឥស្លាម ២-ឈ្មោះ ឡុច ចំរើន ភេទប្រុស អាយុ២២ឆ្នាំ ជនជាតិខ្មែរឥស្លាម ៣-ឈ្មោះ សុខ ជា ភេទប្រុស អាយុ៣១ឆ្នាំ ជនជាតិខ្មែរ៤-ឈ្មោះ ហេង ជា ភេទស្រី អាយុ២៦ឆ្នាំ មុខរបរម៉ាស្សា៥-ឈ្មោះ ចាន់ ប៊ែ ភេទស្រី អាយុ២៦ឆ្នាំ ជនជាតិវៀតណាម ។
បើតាមសម្តីលោក វរ:សេនីយ៏ត្រី នួន វុត្ថា ជាមេបញ្ជាការកងរាជអាវុធហត្ថក្រុងខេមរភូមិន្ទ បានប្រាប់អប្សាណិត អោយដឹងថា កន្លែងដែលចុះប្រតិបត្តិការឈានចូលដល់ ឃាត់ខ្លួន ជនសង្ស័យបានចំនួន៥នាក់ គឺនៅក្រោមការស៊ើបអង្កេតយ៉ាងយកចិត្តទុកដាក់ និងសមត្ថកិច្ចជំនាញ ទើបកម្លាំងលោកចុះប្រតិបត្តិការទាន់ពេល វេលា និងរឹបអូសវត្ថុតាង និង សម្ភារជក់មួយចំនួនទៀត។ ហើយចំពោះបញ្ហានេះ លោកនៅតែបន្តតាមប្រមាញ់តទៅទៀតចំពោះទីតាំងដែលលក់ និងចែកចាយអោយ តែលោកបានទទួលព័ត៌មានពីប្រជាពលរដ្ឋ ។
បច្ចុប្បន្ននេះ មេបញ្ជាការកងរាជអាវុធហត្ថក្រុងខេមរភូមិន្ទកំពុងកសាងសំណុំរឿងមកមេបញ្ជាការកងរាជអាវុធហត្ថខេត្ត ដើម្បីចាត់ការបន្តទៅតាមផ្លូវច្បាប់ ៕
