បន្ទាយមានជ័យ ៖ ទោះបីជាមានការបិទច្រករបៀងតាមបន្ទាត់ព្រំដែនកម្ពុជាថៃក្នុងខេត្តបន្ទាយមានជ័យយ៉ាងណាក៏ដោយ ទំនិញខុសច្បាប់នៅតែមាន ។ ជាក់ស្តែង កាលពីវេលាម៉ោង ០៣ ទៀបភ្លឺថ្ងៃទី៤ ខែមិថុនានេះ ជ្រូកថៃចំនួន២រថយន្តត្រូវបានឈ្មួញនាំចូលតាមច្រករបៀងឬស្សីខាងជើងច្រកតំបន់បឹងត្រកួន ក្នុងឃុំ គោករមៀតស្រុកថ្មពួក ខេត្តបន្ទាយមានជ័យ ត្រូវបានមន្ត្រីបសុពេទ្យខេត្តសហការជាមួយប៉ូលីសស្ទាក់ចាប់បាន៣១ក្បាល។
លោក ហ៊ុយ ទូច នាយការិយាល័យបសុពេទ្យខេត្តបន្ទាយមានជ័យបានអោយដឹងថា ទោះជាមានការផ្សព្វផ្សាយណែនាំដល់អាជីវករដែលតែងតែប្រព្រឹត្តនាំចូលសត្វពាហនះវពីប្រទេសថៃតាមគោលកាណ៍របស់ក្រសួងកសិកម្មនាយកដ្ឋានផលិតកម្មបសុព្យាបាលសុំច្បាប់អនុញ្ញាតនាំចូលដោយស្របច្បាប់យ៉ាងណាក៏ដោយក៏អាជីវទាំងនោះនៅតែមិនអនុវត្ត។
រថយន្តដែលនាំចូលជ្រូកខាងលើត្រូវបានសមត្ថកិច្ចលោកឆ្មក់ចាំចាប់តាំងពីយប់រហូតដល់ទៀបភ្លឺថ្ងៃទី០៤។ក្នុងនោះរថយន្តកាមរីកែច្នៃរចង្កូតស្តាំឆ្នាំ៩៣ត្រូវកម្លាំងជំនាញតាមចាប់ក្នុងចំងាយផ្លូវប្រមាណជា៣០គីឡូពីចំនុចនាំចេញដល់ទីសត្វឃាដក្រុងប៉ោយប៉ែតដែលមានអ្នកបើកជាម្ចាស់ជ្រូកឈ្មោះ ថូង សុធា អាយុ ៣៤ ឆ្នាំមានទីលំនៅក្រុង ប៉ោយប៉ែត ដឹកជ្រូករស់៩ក្បាលហើយក្នុងមួយក្បាលមានទម្ងន់ពី៧០ទៅ៨០គីឡូក្រាម ។ ចំណែករថយន្តនីសាន់ ដែលចេញពីច្រកតែមួយដូចគ្នាគឺមានម្ចាស់ជាអ្នកបើកឈ្មោះ អ៊ុក ប្រុស ភេទប្រុសអាយុ៤៥ឆ្នាំរស់នៅភូមិ២សង្កាត់កំពង់ស្វាយ ក្រុងសិរីសោភណ័ដឹកជ្រូក ២២ ក្បាលយកមកចែកចាយ ក្នុងខេត្តត្រូវកម្លាំងប៉ូលីសអធិការស្រុកថ្មពួកស្ទាក់ចាប់បាន នៅចំនុចមុខអធិការស្រុក ។
លោកបន្តទៀតថា អាជីវករទាំងពីរនាក់នេះត្រូវកម្លាំងជំនាញធ្វើការបង្ក្រាបម្តងរួចទៅហើយដោយមានការផាកពិន័យ ណែនាំទៅតាមច្បាប់តែនៅមិនរៀងចាល។អាអ្វីដែលសំខាន់ក្រសួងក៍ដូចនាយកដ្ឋានអាជ្ញាធរខេត្តចង់អោយមានការសុំច្បាប់សំរាប់ការនាំចូលដើម្បីអោយមានចំណូលចូលជាតិនិងជៀសវាងការនាំចូលជ្រូកដែលមានជំងឺឆ្លងទៅជ្រូកក្នុងស្រុកឬឆ្លង់ទៅមនុស្ស ។
ដោយសារតែធ្លាប់ចាប់ម្តង់លើកនេះនិងយកសំណាក់ជ្រូកទៅពិនិត្សនៅនាយកដ្ឋានផលិតកម្មបសុព្យាបាលសត្វនឌក្រសួងកសិកម្មរកមើលជំងឺឆ្លង់ត្រជៀកខៀវក្រៅពីនោះនិងស្នើសុំការសំរេច។
មានមតិរិះគន់ខ្លះបាននិយាយអោយដឹងថា ការនាំចូលជ្រូករស់ពីប្រទេសថៃតាមច្រករបៀងមួយនេះវាមិនម៉ែនជាលើកទីមួយទេ ហើយក៏មិនអាចលាក់ពីសមត្ថកិច្ចជំនាញដែរ និងធ្លាប់បានចិញ្ចឹមមន្ត្រីមួយចំនួនយកធ្វើមានបានហើយការចាប់នេះបើតាមប្រភពដែលអាចជឿជាក់បានថា មកពីចែកលុយគ្នាមិនត្រូវ ឬនិយាយបានថាកូនក្បត់មេទើបឈានដល់ការចាប់ ៕
