ខេត្ដកណ្ដាល ៖ ទីតាំងវិទ្យាស្ថានស្រាវ ជ្រាវនិងអភិវឌ្ឍន៍វារីវប្បកម្មដែលស្ថិត នៅចំណុចចុងព្រែកអ្នកតា ឋិតក្នុងឃុំ រកាខ្ពស់ ស្រុកស្អាង ខេត្ដកណ្ដាល បាន សម្ពោធដាក់ឱ្យ ប្រើប្រាស់ ដើម្បីពិសោធ ស្រាវជ្រាវពូជត្រី ។ បច្ចុប្បន្នបានក្លាយ ទៅជាទីតាំងដែលមន្ដ្រីជលផលឃុបឃិតគ្នាជាមួយនឹងឈ្មួញជនជាតិ វៀតណាមលួចចិញ្ចឹមត្រីឆ្ដោខុសច្បាប់យ៉ាងអនា ធិបតេយ្យ ។
ប្រជាពលរដ្ឋបានរាយការណ៍ មកថា អ្នកគ្រប់ គ្រងវិទ្យាស្ថានស្រាវជ្រាវនិងអភិវឌ្ឍន៍ វារីវប្បកម្មខាងលើនេះឈ្មោះព្រំ ផល្លី ដែលជាមន្ដ្រីជលផលបានឃុបឃិតគ្នា ជាមួយជនជាតិវៀតណាមចិញ្ចឹមកូនត្រី ឆ្ដោខុសច្បាប់ប្រមាណពី២០ម៉ឺនទៅ៣០ម៉ឺនក្បាលហើយត្រូវចំណាយកូន ត្រីជា ចំណីត្រីឆ្ដោក្នុង១ថ្ងៃយ៉ាងតិច២តោន ។ មន្ដ្រីរដ្ឋបាលជលផលកន្លងទៅបានហាមឃាត់ប្រជាពលរដ្ឋមិនអនុញ្ញាត ឱ្យចិញ្ចឹមត្រីឆ្ដោ ប៉ុន្ដែនៅរដូវត្រីពងកូនបែរជា មន្ដ្រីជលផលដែលគ្រប់គ្រងនៅវិទ្យា ស្ថានស្រាវជ្រាវនិងអភិវឌ្ឍន៍វារីវប្បកម្មសហការជាមួយជនជាតិវៀ តណាមចិញ្ចឹមត្រីឆ្ដោនិងដឹកជញ្ជូនកូនត្រីយកធ្វើជា ចំណីទាំងបំពានហើយមកទល់នឹងពេល នេះទាំងអាជ្ញាធរសមត្ថកិច្ចនិងជំនាញរដ្ឋបាលជលផលខេត្ដកណ្ដាល មិនទាន់មានវិធានការបែបណានៅឡើយទេ ។
ប្រជាពលរដ្ឋបាន រិះគន់ថា មិនគួរ ណាមន្ដ្រីរដ្ឋបាលជលផលលោក ព្រំ ផល្លី ឃុបឃិតគ្នាជាមួយឈ្មួញវៀតណាម យកទីតាំងមជ្ឈមណ្ឌលស្រាវជ្រាវទឹក សាប និងវារីវប្បកម្មដែលជាកន្លែង ពិសោធពូជត្រីក្លាយទៅជាកន្លែងលួច ចិញ្ចឹមត្រីឆ្ដោខុសច្បាប់ ហើយមន្ដ្រី ជំនាញដែលប្រព្រឹត្ដបែបនេះគួរតែមាន ការផ្ដន្ទាទោស ស្របពេលដែលក្រសួងកសិកម្ម ក៏ដូចជារដ្ឋបាលជលផលបាន ហាមឃាត់ពីការចិញ្ចឹមត្រីឆ្ដោនេះពីព្រោះត្រីឆ្ដោជាប្រភេទត្រី ស៊ីត្រីដូចគ្នាជាអាហារជាហេតុធ្វើឱ្យបំផ្លាញដល់ធនធានមច្ឆជាតិ ។
ទាក់ទិននឹងការ លើកឡើងខាងលើ លោកព្រំ ផល្លី បានបញ្ជាក់ថា ការចិញ្ចឹម ត្រីឆ្ដោនៅក្នុងវិទ្យាស្ថានស្រាវជ្រាវ និង អភិវឌ្ឍន៍វារីវប្បកម្មនោះគឺចិញ្ចឹមជា លក្ខណៈពិសោធន៍ហើយក៏មានការឯក ភាពពីរដ្ឋមន្ដ្រីក្រសួងកសិកម្មផងដែរ ។
លោកឃ្លាំង វណ្ណធុល នាយខណ្ឌរដ្ឋ បាលជលផលកណ្ដាលបានប្រាប់អ្នកសារព័ត៌មានថា នៅកន្លែងមជ្ឈមណ្ឌល ស្រាវជ្រាវទឹកសាបនិងវារីវប្បកម្មនោះកម្លាំងរបស់លោកមិនបាន គ្រប់គ្រងនៅទីនោះទេហើយបើចង់ដឹងច្បាស់សួរទៅ លោកព្រំ ផល្លី ដែលជាអ្នកគ្រប់គ្រង ៕
