ខេត្តប៉ៃលិន ៖ លោក សុន នាថធាវី ចៅក្រុមស៊ើបសួរ នៃសាលាដំបូងខេត្ត ប៉ៃលិន បានចេញដីកាឱ្យលោក នៅ ធឿង ប្រធានពន្ធនាគារខេត្ត ត្រូវឱ្យជូនដំណឹងដល់ ឈ្មោះ រឿន ចរិយា ភេទស្រី អាយុ៣២ឆ្នាំ ជនជាតិខ្មែរ ជាជនត្រូវចោទ ទី លំនៅបច្ចុប្បន្នរស់នៅភូមិកូនភ្នំ សង្កាត់អូរតាវ៉ៅ ក្រុងប៉ៃលិន មិនអនុញ្ញាតិឱ្យនៅក្រៅឃុំ ។
ប្រភពព័ត៌មានពីយុវជនម្នាក់ ឈ្មោះ រឿន ដារ៉ា អាយុ២៩ឆ្នាំ ត្រូវជាប្អូនប្រុស ស្ត្រីជាប់ចោទខាងលើ បានឱ្យដឹងថា រូបគេបានទាក់ទងទៅលោក នៅ ធឿង ប្រធានពន្ធនាគារ ដើម្បីសុំលេខសេចក្តីជូនដំណឹង ដែលចៅក្រម អម សាលាដំបូងខេត្តប៉ៃលិន ចេញដីកាមិនអនុញ្ញាតិឱ្យបងស្រីរបស់គេ ឱ្យស្ថិតនៅក្រៅឃុំ ដើម្បីសុំប្តឹងឧទ្ទរណ៍ទៅតុលាការកំពូល ។ លុះពេលទៅដល់ជួបលោក នៅ ធឿង ប្រធានពន្ធនាគារ បែរជានិយាយថា មិនអាចប្រគល់ឱ្យបានទេ ហើយលោកក៏ មិនបញ្ជាក់ពីមូលហេតុនៃការមិនឱ្យសាម៉ីខ្លួនជនជាប់ចោទដឹងនោះទេ ។
តែលោក នៅ ធឿង ប្រធានពន្ធ នាគារខេត្ត មានចេតនាបំបិទលិខិតសេចក្តីជូនដំណឹង ព្រោះខណៈដែលក្រុមគ្រួសារស្ត្រីខាងលើ ចូលទៅជួបលោក ដើម្បី សុំ លេខ លិខិតជូនដំណឹង ព្រោះកើតទុក្ខមិនសុខចិត្ត ចង់ធ្វើការប្តឹងឧទ្ទរណ៍ទៅតុលាការកំពូល បែរជាលោកមិនព្រមឱ្យទៅវិញ ។ តែដោយមិនអាចពឹងអ្នកណាឱ្យជួយរកយុត្តិធម៌ជូនបាន ទើបប្អូនប្រុសម្នាក់របស់លោកស្រី រឿន ចរិយា បានរត់ទៅពឹងលោក កាន រឹទ្ធី អភិបាលរងខេត្តឱ្យជួយអន្តរាគមន៍ ដើម្បីសុំសេចក្តីជូនដំណឹងស្តីពីដីកាសម្រេចមិនអនុញ្ញាតឱ្យជនត្រូវចោទ នៅក្រៅឃុំជាបណ្តោះអាសន្ននៅព្រឹកថ្ងៃដដែល ។ ហេតុការណ៍ប្រធា នពន្ធនាគារមិនឱ្យក្រុមគ្រួសារជនជាប់ចោទដឹងពីលិខិតនេះបានកើតឡើងរយៈ ពេល២ថ្ងៃគឺចា ប់ពីថ្ងៃ ទី២៩ -៣០ ខែឧសភា ៣០១៤ នៅពន្ធនាគារខេត្ត ស្ថិតនៅក្នុងភូមិអូរតាពុកលើ សង្កាត់ប៉ៃលិន ក្រុងប៉ៃលិន ។
ប្រភពបន្តទៀតថា តាមពិតទៅលិខិតជូន ដំណឹង ស្តីពី ការសម្រេចមិនអនុញ្ញាតឱ្យជនត្រូវចោទនៅក្រៅឃុំជាបណ្តោះអាសន្ននេះ ត្រូវបានលោក សុន នាថធាវី ចៅក្រមស៊ើបសួរ នៃ សាលាដំបូងខេត្តជម្រាបទៅលោក នៅ ធឿង ឱ្យប្រាប់មក ឈ្មោះ រឿន ចរិយា ដែលជាបងរបស់គេឱ្យដឹងកាលពីថ្ងៃ ទី២៧ ខែឧសភា ២០១៤ តែបែរជាយកទៅកប់ទុកដោយមានចេតនាមិនចង់ឱ្យប្តឹងឧទ្ទរណ៍ទៅវិញ ហើយបងស្រីរបស់គេត្រូវបានតុលាកាខេត្តប៉ៃលិន បញ្ជូនទៅពន្ធនា គារព្រៃសកាលពី១សប្តាហ៍កន្លងទៅនេះ ៕
