អ៊ុកទ្រា ជាជំនួយការផ្ទាល់ លោក អ៊ុង ធឿន ជាអ្នកចេញមុខរត់ ការបើកផ្លូវ ពេលក្បួនរថយន្តដឹកឈើគ្រញូងឈានចូលទឹកដីស្រុកមេមត់ គឺត្រឹមស្ពានជ្រាវចេញពីស្រុកស្នូលទៅហើយ ក៏បន្តនាំ ចូលតាមចំការកៅស៊ូរបស់ក្រុមហ៊ុន មេមត់ ច្រកក្រឡង់ស៊ុត.សំដៅទៅប្រទេសវៀតណាមតាមច្រករបៀងចាន់មូលតែម្តង ស្ថិតក្នុង ឃុំចាន់មូល ស្រុកមេមត់ខេត្តកំពង់ចាម ។
សេចក្តីរាយការណ៍បានឱ្យដឹងថា ពួកឈ្មួញមុខដដែលៗដូចជា ឈ្មោះ ហៃនិងឈ្មោះ ធី ហៅធីស្វាយជ្រះមានអាស័យដ្ឋាននៅ ក្នុងឃុំស្វាយជ្រះ ស្រុកស្នួល ខេត្តក្រចេះ ហើយដឹកចេញពីខេត្តស្ទឹងត្រែង តាមរថយន្តទំនើបៗដូចជា ឡង់គ្រីស័រ, លុចស៊ីស, ឆែរ លែត, ឆ្លាម, បាឡែន,ធន់ណារ៉ា ជាដើមកាត់តាមបណ្តោយផ្លូវជាតិលេខ 7A ឆ្លងកាត់ទីស្នាក់ការរដ្ឋបាលព្រៃឈើគ្រប់ថ្នាក់តាំងពី សង្កាត់រហូតដល់ក្រសួង, ប៉ូលិសសេកិច្ច គ្រប់លំដាប់ថ្នាក់ ប៉េអឹមផ្ទៃប្រទេស គ្រប់ខេត្តដែលជាប់ពាក់ព័ន្ធនឹងអាជ្ញាធរមានសមត្ថកិច្ចគ្រប់លំដាប់ថ្នាក់ ដែលមានសិទ្ធិក្នុងការឈរជើងតាមបណ្តោយផ្លូវជាតិលេខ 7A ឃើញស្អេកស្កះតែម្តង ប្រជាពលរដ្ឋឆ្ងល់ថាហេតុអ្វីក៏ ទៅរួចទៀត ។
សេចក្តរាយការណ៍ដដែលបានឲ្យដឹងទៀតថា ជាក់ស្តែងគ្រប់កងឯកភាព អាជ្ញាធរដែនដីគ្រប់លំដាប់ថ្នាក់ ជាពិសេសគ្រប់ វរៈដែលឈរជើងការពារតាមខ្សែបន្ទាត់ព្រំដែន មានប៉ូលិស និងទាហាន ទាំងជាប់ព្រំដែន (ខែ្មរ-ថៃ) និង(កម្ពុជា-វៀតណាម) ជាពិសេសសមត្ថកិច្ច ដែលមានការពាក់ព័ន្ឋក្នុងស្រុកមេមត់ ខេត្តកំពង់ចាម បានកោះប្រជុំដាក់ បទបញ្ជាបន្តដើម្បីផ្សព្វផ្សាយ និងចូលរួមទប់ស្កាត់យ៉ាងតឹងរឹងនិងម៊ឺងម៉ាត់ ជាទីបំផុត ។ តែមិនបានមូយប៉ព្រិចភែ្នកផង ស្រាប់តែឈ្មោះ អ៊ុក ទ្រា ជាជំនួយការលោក អ៊ុង ធឿន មេបញ្ជាការផ្នែកសឹករងស្រុក មេមត់ចេញមុខរត់ការកាង ឈើគ្រញូងក្នុងទឹកដីស្រុក មេមត់ឆ្លងដែនទៅលក់ឱ្យប្រទេសវៀតណាមតាមច្រកចាន់មូល ។
សកម្ម ភាពខាងលើនេះគឺចាប់ផ្តើមតាំងពីដើមខែមេសាមកម្លេះ ហើយពួកឈ្មួញសំរុក ដឹកជញ្ជួនឈើក្រញូងខ្លាំងខ្លា នៅពាក់កណ្តាលខែ មេសា ចំពេលរដូវចូលឆ្នាំខែ្មរ ។
ហើយឈ្មោះ អ៊ុក ទ្រា ជាមន្ត្រីយោធាផ្នែកសឹករងស្រុកមេមត់ គឺជាឈ្នួញដុះស្លែម្នាក់ តែនៅពេលដែលលោក ហ៊ុន សែន បានស្រែកកោកៗដាក់បទបញ្ជាតាមវិទ្យុ និងទូរទស្សន៍ជាច្រើនអង្គភាពឃើញថា ពួកឈ្មួញមួយចំនួនរួមទាំងមេ ឈ្មួញអ៊ុកទ្រាថ្លើមធំ ព្រោះមានអ្នកនៅពីក្រោយខ្នង ទាំងប៉ុន្មាន ខាងលើញិនតែមួយភ្លែតប៉ុណ្ណោះ ។
មជ្ឈដ្ឋានប្រជាពលរដ្ឋបានធ្វើការរិះគន់ដោយត្រង់ៗថា ៖ អ្នកល្អចេះតែគោរពបទបញ្ជាយ៉ាងខ្ជាប់ខ្ជួនមិនហ៊ានធ្វើអ្វីល្មើស ច្បាប់នោះទេ រីឯអ្នកខូច ខិលប្រព្រឹត្តិបទល្មើសដដែលៗមានលុយកាក់មាន ដីធ្លី ទ្រព្យសម្បត្តិហូរហៀរចាយមិនអស់ប្រើសម្ភារៈ ទំនើបៗ បុណ្យស័ក្តិចេះតែឡើង ដូចទឹកបាក់ទំនប់ មានអ្នកខ្លះគ្មានបទពិសោធន៍ក្នុងការងារសោះ តែរកស៊ីដឹកឈើគ្រញូង ចំណេញប្រាក់ច្រើនទិញបុណ្យស័ក្តិ ថែមទៀតផង ។ តទៅមុខបន្តិចទៀត ច្បាស់ជាថៅកែឈ្មួញឈើគ្រញូងឡើងធ្វើជាថ្នាក់ដឹកនាំអស់ជាក់ជាពុំខានឡើយ ។ ដូចជាលោក អ៊ុក ទ្រា នេះជាដើម ព្រោះតែលាភសក្ការៈ ភ្លេចតួនាទី ភ្លេចអនុសាសន៍លោក ហ៊ុន សែន ច្បាស់ជាធ្លាក់រណ្តៅជាពុំខានឡើយ ៕
