មន្ទីរសុខាភិបាលខេត្តតាកែវ​ និងក្រសួង​សុខាភិបាល តើគួរដកឡានសង្គ្រោះវិញ ឬត្រូវដកលោក ឆែ ស៊ូខេង ចេញ​ពីការគ្រប់គ្រងមណ្ឌលសុខភាពជំរះពេន ស្រុកសំរោង ខេត្តតាកែវ ?

ពលរដ្ឋរិះរស់នៅក្នុងឃុំជំរះពេន ស្រុកសំរោងខេត្តតាកែវ បាននិយាយពេញៗមាត់ឥតញញើតចំពោះលោក ឆែ ស៊ូខេង ប្រធានមណ្ឌលសុខភាពជំរះពេន ស្រុកសំរោងខេត្ត តាកែវ

ពួកគាត់លើកឡើងថា លោក ឆែ ស៊ូខេង ជាបុគ្គល«ដឹកនាំតាមបែបអាត្មានិយម» ជា«មនុស្សរើសអើង» ជាមន្ត្រី«គ្មានសមត្ថភាព»។ ពលរដ្ឋបញ្ជាក់ថា៖ លោក ឆែ ស៊ូខេង មិនយកចិត្តទុកដាក់លើការងារ ដឹកនាំគ្រប់គ្រងមណ្ឌលសុខភាពជំរះពេន ដើម្បីអោយប្រសើរឡើងទេ មានតែរិចរឹលទៅៗគាត់(ឆែ ស៊ូខេង)មិនគប្បីធ្វើជាប្រធានមណ្ឌលសុខភាពដើម្បីអភិវឌ្ឈន៍អង្គភាព ឬមិនអាចសង្គ្រោះអ្នកជម្ងឺទូទៅក្នុងឃុំជំរះពេននេះនោះទេ។

ពលរដ្ឋបានសង្កត់ធ្ងន់ថា៖ពួកគាត់មិនដឹងថា ផ្ទៃក្នុងពេទ្យក្នុងមណ្ឌលសុខភាពប្រះស្រាំ បែកបាក់ឬយ៉ាងណាទេ ប៉ុន្តែ មណ្ឌលសុខភាពដឹកនាំដោយលោក ឆែ ស៊ូខេង បច្ចុប្បន្ន មិនត្រូវពលរដ្ឋទូទៅយកធ្វើជាទីពឹងពាក់ក្នុងការព្យាបាលសង្គ្រោះ
សុខភាពឡើយ។

ពលរដ្ឋដដែលបន្តថា៖ឡានសង្គ្រោះមានប៉ុន្តែលោក «ខេង» សុខចិត្តគ្របឡានពេទ្យចោល។ គ្រប់ទាល់តែខូចប្រើលែង កើតរហូតសព្វថ្ងៃ។គាត់បន្តគ្របឡានសង្គ្រោះចោលរហូតតែម្តងក៏មិនត្រឹមតែមិនងាយអោយចេញដឹកសង្គ្រោះជនរងគ្រោះអ្នកជម្ងឺ ឬដឹកសពនោះទេ។

ពលរដ្ឋដដែលបន្តថា លោកឆែ ស៊ូខេង ជាមនុស្ស«មានមាសអត់ក្រដាស់ខ្ចប់»មេមណ្ឌលសុខភាពមានឡានសង្គ្រោះមិនប្រើ មិនអោយចេញទៅដឹកឬសង្គ្រោះពលរដ្ដ្ឋទូទៅ។ ប៉ុន្តែបើធ្លាប់ស្គាល់គាត់ ឬ បើបានcallទៅសុំគាត់ផ្ទាល់មាត់និយាយគ្នាជាមុន គឺអនុញ្ញាត្តភ្លាម។ តើបែបនេះជារឿងចម្លែកទេ?គាត់គួរតែមនុស្សដែលនិយាយពីផលប្រយោជន៍បុគ្គលជាធំឬទេ?។

បច្ចុប្បន្នឡានសម្រាប់សង្គ្រោះពលរដ្ឋត្រូវលោក ឆែ ស៊ូខេង យកទៅគ្រប់ចោលក្បែរបង្គន់ ឥឡូវលឺថាគ្រប់ទុកយូរពេក កណ្តុរកន្លាតចូលកាត់ទុយោខ្សែភ្លើង ត្រូវខូចទាំងស្រុងប្រើលែង កើតតែម្តង។ រីឯបរិវេណមណ្ឌលសុខភាពត្រូវកូន
ឈើដុះទ្រុបទ្រុល ក្លាយជារហោឋានគ្មានសោភ័ណភាព ។ កន្លែងធ្វើការកាន់តែទ្រុឌទ្រោម គ្មានអ្វីប្រសើរសោះ។

ពលរដ្ឋដដែលបន្តជាសំណួរថា បើបែបនេះតើថ្នាក់លើគាត់គឺមន្ទីរសុខាភិបាលខេត្ត និងក្រសួងសុខាភិបាល គួរដកយករថយន្តសង្គ្រោះវិញឬដកមនុស្សដែលងាប់ស្តូកមិនរីកចម្រើន មានមាសអត់ក្រដាសខ្ចប់ដូចោកឆែស៊ូខេងនេះចេញអោយផុតទើបជាការផ្តល់ក្តីសង្ឃឹមដល់ពលរដ្ឋនៅឃុំជំរះពេន?។