ភ្នំជី សូរស្ថិតនៅឃុំរវៀង និងឃុំស្លា ស្រុកសំរោងខេត្ដតាកែវហើយបច្ចុប្បន្ន ក្រុមហ៊ុនប៉ុលសុគន្ធប្រើប្រាស់គ្រឿងចក្រកាយយកថ្មនិងដីនៅប៉ែក ខាងជើងភ្នំអស់មួយចំហៀងហើយដើម្បីយកទៅធ្វើផ្លូវ ដែលក្រុមហ៊ុននេះដេញថ្លៃបានតាំងពី ឆ្នាំ២០១៣មក ។ ពេលនេះ បានកំពុងតែធ្វើសកម្មភាពឈូសឆាយភ្នំមួយនេះស្ទើតែក្លាយទៅជាដីវាលរាបទៅហើយ ក៏គ្មានជំនាញណាចេញមុខដើម្បីធ្វើការទប់ស្កាត់ឡើយ ។
លោក ញ៉ែម ស្រស់ អភិបាល ស្រុកសំរោង បានឱ្យដឹងថា កម្លាំងអាជ្ញាធរស្រុកបានចុះទៅហាមឃាត់ក្រុមហ៊ុនខាងលើនិងបានដាក់ លិខិតទៅខាងមន្ទីរ រ៉ែនិងថាមពលខេត្ដតាកែវឱ្យបញ្ឈប់ សកម្មភាពក្រុមហ៊ុននេះជាបន្ទាន់ ព្រោះ វាកំពុងប៉ះពាល់ដល់គ្រឹះប្រាសាទបុរាណភ្នំជីសូរ ។ ម្យ៉ាងវិញទៀតក្រុមហ៊ុនខាងលើ ពុំមានសិទ្ធិមកជីកកាយដីថ្មនៅទីនេះដែរជាកន្លែងរដ្ឋាភិបាល ហាមឃាត់ឡើយ ។
លោកបន្ដ ទៀតថាក្រោយពីលោក ដាក់លិខិតទៅមន្ទីររ៉ែនិងថាមពលខេត្ដ ខាងមន្ទីរមិនមានការឆ្លើយតបអ្វីទាំង អស់ហើយក្រុមហ៊ុននៅតែបន្ដជីកកកាយដដែល ។
លោកទូច រ៉ែន មន្ដ្រីមន្ទីររ៉ែនិងថាមពលខេត្ដតាកែវ បានឱ្យដឹងថាចំពោះក្រុមហ៊ុនប៉ុល សុគន្ធ កាយថ្មភ្នំយកទៅធ្វើផ្លូវវាមិនមានលិខិតអនុញ្ញាតពីក្រសួងពាក់ព ន្ធ័នោះទេ ។
លោកបានចុះទៅហាមឃាត់សកម្មភាពនេះជាមួយមន្ដ្រី វប្បធម៌កាលពីពេលកន្លងមកនិង បានស្នើឱ្យក្រុមហ៊ុនយកច្បាប់អនុញ្ញាតពី ក្រសួងរ៉ែនិងថាមពលទើបធ្វើសកម្ម ភាពបន្ដទៀតបាន ។ រឿងនេះលោកទទួល ស្គាល់ថាក្រុមហ៊ុននេះពិតជាកំពុងកាយដីថ្មទាំងបំពានពិតមែន ។
ប្រភពពី ប្រជាពលរដ្ឋរស់នៅជុំវិញ ភ្នំជីសូរបានឱ្យដឹងថា សកម្មភាពរបស់ក្រុម ហ៊ុនប៉ុល សុគន្ធ កំពុងកាយយកថ្មនិងដី ដោយគ្មានច្បាប់អនុញ្ញាតពីក្រសួងពាក់ពន្ធ័នោះទេ ។ បើប្រជាពលរដ្ឋប្រកបរបរ វាយថ្មដោយដៃដើម្បីដោះស្រាយជីវភាពប្រចាំថ្ងៃវាមិនប៉ះពាល់អ្វី នោះទេ តែបើ ក្រុមហ៊ុននេះប្រើគ្រឿងចក្រវាធ្វើឱ្យ ប៉ះពាល់ដល់តួប្រាសាទបូរាណ ។ កន្លងមកពួកគាត់ធ្លាប់ឃើញមានក្រុមមន្ដ្រីមន្ទីរវប្បធម៌និង មន្ដ្រីរ៉ែ និងថាមពលរួម ទាំងអាជ្ញាធរស្រុកសំរោងបានចុះមក ត្រួតពិនិត្យនិងបានឱ្យក្រុមហ៊ុននេះផ្អាកសកម្មភាពជាបន្ទាន់តែ មិនដឹងថា ក្រុម ទាំងនោះគេត្រូវដងត្រូវផ្លែគ្នាយ៉ាងម្ដេចបានជាក្រុមហ៊ុននេះ បន្ដសកម្មភាពដដែល ។ បើតែយ៉ាងនេះពលរដ្ឋលែង មានថ្មវាយចិញ្ចឹមឆ្នាំងទៀតហើយ ។ ចំណែកឯតួប្រាសាទបូរាណភ្នំជីសូរក៏មិនជាប់បានយូរទៀតដែរ ព្រោះគេនាំគ្នា ស៊ីគ្រឹះខាងក្រោមអស់ទៅហើយ ។
ភ្នំជីសូរជារមណីយដ្ឋានប្រវត្ដិសាស្ដ្រនិងមានប្រាសាទបុរាណ សម្រាប់ភ្ញៀវជាតិនិងអន្ដរជាតិចូលមកទស្សនានិងអភិរក្សយ៉ាងតឹងរ៉ឹង ពីសំណាក់អាជ្ញាធរពាក់ព័ន្ធ ពិសេសប្រមុខរាជ រដ្ឋាភិបាលបានចេញស.ជ.ណមិនឱ្យ ធ្វើអាជីវកម្មដោយប្រើប្រាស់គ្រឿងចក្រគ្រឿងយន្ដគ្រប់ប្រភេទ ។ ប៉ុន្ដែអនុញ្ញាតឱ្យប្រជាពលរដ្ឋរស់នៅជុំវិញភ្នំធ្វើអាជីវកម្មជា លក្ខណគ្រួសារបាន ។
បច្ចុប្បន្ន ប្រជាពលរដ្ឋរស់នៅជុំវិញភ្នំជីសូរដែរអាស្រ័យផលពីថ្មភ្នំនេះ សំណូមពរដល់រាជរដ្ឋាភិបាលជួយបញ្ឈប់សកម្មភាពជីកកកាយដីថ្មរបស់ ក្រុមហ៊ុនប៉ុលសុគន្ធនេះផងដើម្បីរក្សាប្រាសាទបុរាណភ្នំជីសូរឱ្យ បានយូរអង្វែងបន្ដទៀត ។
តំណាង ក្រុមហ៊ុនប៉ុល សុគន្ធ សារព័ត៌មានយើងមិនអាចទាក់ទងសុំការបំភ្លឺពីការជីកកកាយយកថ្មភ្នំជីសូរ បានទេ កាលពីថ្ងៃទី១៦ ខែឧសភា ឆ្នាំ២០១៤ ៕
