កំពត: នៅព្រឹកថ្ងៃទី១១ ខែមេសា ឆ្នាំ២០១៥ លោស្រី អ៊ុន សុគន្ធា តំណាងរាស្ត្រមណ្ឌលកំពត និងលោក ខូយ ឃុនហ៊ួរ អភិបាលខេត្តកំពតជំនួសមុខសម្តេចនាយករដ្ឋមន្ត្រីហ៊ុន សែន លោស្រី អ៊ុន សុគន្ធា តំណាងរាស្ត្រមណ្ឌលកំពត និងលោក ខូយ ឃុនហ៊ួរ អភិបាលខេត្តកំពត បានចុះសួរសុខទុក្ខប្រជាពលរដ្ធ និងក្រុមគ្រួសារយោធិនពិការនាមណ្ឌលអភិវឌ្ឍន៍ ប៊ុន រ៉ានី ហ៊ុន សែន ៣១៧ កោះស្លាចំនួន៤៣០គ្រួសារ ព្រមទាំងនាំយកអំណោយរបស់រាជរដ្ធាភិបាលមួយចំនួនតាមរយះមន្ទីរសង្គមកិច្ចខេត្តកំពត មកចែកជូនប្រជាពលរដ្ធនិងជនពិការនាពេលពិធីបុណ្យចូលឆ្នាំថ្មីប្រណីជាតិខ្មែរ កាន់តែខិតចូលមកដល់។លោកឧត្តមសេនីយ៍ឯក ទិត្យ ម៉េងឡុង នាយកមជ្ឈមណ្ឌលអភិវឌ្ឍន៍យោធិនពិការ ៣១៧ កោះស្លា បានរាយការណ៍ឱ្យដឹងថា មកដល់បច្ចុប្បន្ននេះ ទាំងក្នុង និងតំបន់ជុំវិញមជ្ឈមណ្ឌលអភិវឌ្ឍន៍ យោធិនពិការ ៣១៧ កោះស្លា មានការរីកចម្រើន ទាំងសាលារៀន មន្ទីរពេទ្យ វត្តអារាម ជាពិសេសមាន អគ្គិសនីប្រើប្រាស់គ្រប់គ្រួសារ។ ដោយឡែក បញ្ហាផ្លូវថ្នល់ មានទាំងប្រភេទផ្លូវចាក់ក្រាលកៅស៊ូ បង្កភាពងាយស្រួល សម្រាប់ការធ្វើដំណើរ ដែលសូម្បីបងប្អូនប្រជាពលរដ្ឋ ត្រូវការជិះរថយន្តតាក់ស៊ី គ្រាន់តែទូរស័ព្ទហៅនោះ គេនឹងមកទទួលដល់មុខផ្ទះតែម្តង។លោកឧត្តមសេនីយ៍ បន្តទៀតថា បើនិយាយពីការបង្កបង្កើនផលវិញ បងប្អូនបានដាំដំណាំលើដី ដែលបានបែងចែក និងចេញប័ណ្ណកម្មសិទ្ធិទាំងនោះ ធ្វើឱ្យជីវភាពធូរធារគ្រប់ៗគ្នា។ ជាមួយនឹងភាពរីកចម្រើនបែបនេះ ធ្វើឱ្យក្រុមគ្រួសារ និងបងប្អូនជនពិការទាំងអស់ មិនបំភ្លេចបាននូវគុណូបការៈដ៏ថ្លៃថ្លារបស់សម្តេចនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិតឡើយ។សំណេះសំណាលជាមួយក្រុមគ្រួសារ និងបងប្អូនជនពិការក្នុងឱកាសដ៏សប្បាយរីករាយនេះ លោកខូយឃុនហ៊ួរអភិបាលខេត្តកំពតបានមានប្រសាសន៍សេចក្តីសុខទុក្ខរបស់បងប្អូនក្នុងមជ្ឈមណ្ឌលអភិវឌ្ឍន៍យោធិនពិការ៣១៧កោះស្លានេះជាបញ្ហាដែលប្រមុខដឹកនាំពិសេសសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែនមិនអាចមើលរំលងឡើយ។ ដូច្នេះហើយ ទើបសម្តេចទាំងពីរ តែងចុះសួរសុខទុក្ខជារៀងរាល់ឆ្នាំមិនដែលអាក់ខាន ហើយក្នុងករណីសម្តេច ជាប់មមាញឹកខ្លាំង ក៏ផ្តាំការនឹករលឹក និងបញ្ជូនរូបលោក មកជួបផ្ទាល់ជាមួយបងប្អូនដូចនាពេលនេះ ជាដើម។លោកអភិបាលខេត្ត បន្តទៀតថា អ្វីដែលសម្តេចគិតគូរជាចម្បងលើបញ្ហាបួន គឺទឹក ភ្លើង ផ្លូវ និងមនុស្ស។ ជាកិច្ចផ្តាំផ្ញើ ដែលលោក ខូយ ឃុនហ៊ួរ បានរំលឹកដល់បងប្អូនជនពិការ និងក្រុមគ្រួសារ ត្រូវយកចិត្តទុកដាក់ជាសំខាន់លើបញ្ហាសុខភាព និងចូលរួមទាំងអស់គ្នា ក្នុងការកាត់បន្ថយគ្រោះថ្នាក់ចរារណ៍ ពិសេសនាឱកាសបុណ្យចូលឆ្នាំថ្មី ប្រពៃណីជាតិខ្មែរ ខាងមុខនេះ។ជាមួយពិធីជួបសួរសុខទុក្ខនេះ លោកស្រីតំណាងរាស្ត្រ និងលោកអភិបាលខេត្ត បានចែកអំណោយជូនក្រុមគ្រួសារ និងជនពិការចំនួន ៤៣០ គ្រួសារ ដោយមួយគ្រួសារៗ ទទួលបានអង្ករទម្ងន់ ២០ គីឡូក្រាម ទឹកក្រូចមួយកេស នំមួយធុង ស្ករសមួយគីឡូក្រាម និងថវិកាពីរម៉ឺនរៀល៕
