ខេត្តព្រះសីហនុ នៅរសៀលថ្ងៃទី៨ ខែមេសា ឆ្នាំ២០១៥នេះមន្ទីរព័ត៌មានខេត្តព្រះ
សីហនុបានប្រារព្ធពិធីសូត្រមន្តលើករាសីចូលឆ្នាំថ្មីដោយមានការអញ្ជើញចូលរួមពីលោក ឱ សារឿន ប្រធានមន្ទីរព័ត៌មានខេត្តលោកអនុប្រធាន លោកលោកស្រីដែលជាមន្ត្រីរាជការក្រោមឱវាទព្រមទាំងមានការអញ្ញើញចូលរួមពីអ្នកសារព័ត៌មានក្នុងស្រុកជាច្រើននាក់ផងដែរ ។
ឆ្លៀតក្នុងឱកាសនោះលោក ឱ សារឿនប្រធានមន្ទីរព័ត៌មានខេត្តបានអោយដឹងថាជារៀងរាល់ឆ្នាំមន្ទីរព័ត៌មានខេត្តតែងតែមូលមតិគ្នាជាឯកឆន្ទប្រារព្ធពិធីសូត្រមន្ដរំដោះគ្រោះនិងលើករាសីអោយមានសេរីសួស្ដីទទួលពរជ័យទេវតាឆ្នាំថ្មីអោយមានសេចក្តីសុខដល់ថ្នាក់ដឹកនាំមន្ទីរនិងមន្ត្រីក្រោមឱវាទកុំអោយមានគ្រោះភ័យអាក្រក់កើតមានដល់មន្ត្រីមន្ទីរព័ត៌មានដែលកំពុងបម្រើការងារអោយអង្គភាពខាងលើនេះ ។ ជាងនេះទៅទៀតសូមអោយទេវតាឆ្នាំថ្មី ឆ្នាំមមែ ដែលជិតឈានមកដល់ឆាប់ៗនេះសូមប្រសិទ្ធិពរជ័យ សេរីសួស្តី ជ័យមង្គលជូនដល់ថ្នាក់ដឹកនាំបងប្អូនទាំងអស់គ្នាំដែលរួមអាជីពអោយបានសុខសប្បាយនិងរកស៊ីមានបានគ្រប់ៗគ្នា ពិសេសសុខភាពរឹងមាំដើម្បីបម្រើការងារជូនជាតិមាតិភូមិ និងជាចុងក្រោយសូមជូនពរជ័យដល់ប្អូនខ្មែរនៅក្នុងទូទាំងប្រទេសអោយប្រកបបាននូវសេចក្តីសុខចំរើនគ្រប់ៗគ្នា។
