រាជធានីភ្នំពេញ ៖ មានសកម្មភាពមិនប្រក្រតី នៅក្នុងមន្ទីរសាធារណការរាជ ធានីភ្នំពេញ ដែលជាក្លិនមិនល្អ ចេញពីការិយាល័យចុះបញ្ជីគ្រប់ គ្រងទោចក្រយាយន្ត(ម៉ូតូ) ដែលបានបង្កើតបក្ខពួកនិងបង្កើត ឱ្យមានអំពើពុករលួយជាប្រព័ន្ធ ដែលលេចចេញពីមាត់អ្នកទៅ ធ្វើស្លាកលេខម៉ូតូនៅទីនោះ ។
ប្រភពអ្នកធ្វើស្លាកលេខទោចក្រយានយន្តបានបង្ហើបឱ្យ ដឹងថានៅមន្ទីរសាធារណៈការ រាជធានីភ្នំពេញមានសកម្មភាព អ្នករត់ការធ្វើស្លាកលេខម៉ូតូ យកតម្លៃលើសពីការកំណត់ របស់ក្រសួងហិរញ្ញវត្ថុដែល តម្រូវឱ្យយក សេវាត្រឹម ១ម៉ឺន រៀល ។ ក៏ប៉ុន្តែការយកសេវា សម្រាប់ស្លាកលេខធម្មតារួម ទាំងការបំពេញបែបបទផងនោះ ត្រូវចំណាយប្រាក់ពី ១៥ម៉ឺន រៀលឡើងទៅ។
ប្រភពដដែលបានបន្តឱ្យ ដឹងទៀតថា អ្នកណាក៏ដឹងដែរ ថា លោក ជា ប៊ុនធឿន ជា ប្រធានអង្គភាពមួយនេះ ចេះ បង្កើតឱ្យមានក្រុមអ្នករត់ការ ដែលជាមនុស្សក្រៅពីបុគ្គលិក របស់មន្ទីរសធារណការរាជធានី ភ្នំពេញ ។ ជាទូទៅអ្នកដែល ទៅធ្វើស្លាកលេខម៉ូតូ តែងតែ ចង់បានលេខល្អឬលេខទៅតាម បំណងរបស់ខ្លួន ដែលហៅថា ការជ្រើសរើសលេខ គឺតម្រូវឱ្យ បង់ប្រាក់បន្ថែមដូចជាប្រភេទ លេខគូរ គឺ ៥០ដុល្លារអាមេរិក, លេខរៀងពី ៥០ដុល្លារឡើង ជា ពិសេស លេខការ៉េអាចចាប់ពី ១០០ដុល្លារអាមេរិកឡើងទៅ ផងដែរ ។
ប្រភពដដែលបានបន្តឱ្យ ដឹងទៀតថា ប្រការដែលលោក ជា ប៊ុនធឿន អាចបង្កើតប្រភព ចំណូលតាមការប្រព្រឹត្តអំពើ ពុករលួយជាប្រព័ន្ធនេះបាន យ៉ាងងាយបែបនេះបាននោះ ក៏ ដោយសារតែលោកបានរៀបចំ ឱ្យឈ្មោះ ជា វណ្ណារិទ្ធ ជាកូន បង្កើតឱ្យធ្វើជាបេឡាជាកន្លែង ទទួលប្រាក់ជាសេវាការបង់ថ្លៃ ធ្វើស្លាកលេខម៉ូតូនៅមន្ទីរសា ធារណការ រាជធានីភ្នំពេញ ។
ចំណាត់ការរបស់លោក ជា ប៊ុនធឿន ដែលយកកូនបង្កើត ឈ្មោះ ជា វណ្ណារិទ្ធ ធ្វើការនៅ កន្លែងទទួលប្រាក់សេវាថ្លៃធ្វើ ស្លាកលេខម៉ូតូបានបង្ហាឱ្យឃើញ ពីការរៀបចំឱ្យមានសកម្មភាព ពុករលួយជាប្រព័ន្ធ ។
ប្រភពដដែលបានបន្តឱ្យ ដឹងទៀតថាអំពើពុករលួយមួយ ផ្នែកទៀតរបស់មន្ទីរសាធារណ ការ និងដឹកជញ្ជូន រាជធានី ភ្នំពេញ អង្គភាពធ្វើស្លាកលេខ ម៉ូតូនោះគឺអាចធ្វើស្លាកលេខ ភ្នំពេញបានភ្លាមៗផងដែរ ។
ចំពោះអ្នកមានអត្តសញ្ញាណ ប័ណ្ណខេត្ត-ក្រុងនានា គឺលោក ជា វណ្ណារិទ្ធ តម្រូវឱ្យបង់ថ្លៃ ចំនួន ៥០ដុល្លារអាមេរិក គឺ លោកអាចចេញប័ណ្ណសម្គាល់ ម៉ូតូនិងស្លាកលេខឱ្យបានភ្លាមៗ តែម្តង ។ ប្រសិនបើមានបំណង ចង់ជ្រើសរើសលេខទៀតនោះ គឺត្រូវបង់ថ្លៃបន្ថែមទៀត តាម ប្រភេទលេខដែលបានកំណត់ ដោយលោក ជា វណ្ណារិទ្ធ ជា អ្នកកំណត់នោះ ។
ប្រភពដដែលបានបន្តឱ្យ ដឹងទៀតថា នៅពេលដែល លោក ជា ប៊ុនធឿន មើល ឃើញសញ្ញាសម្គាល់នៅលើ បែបបទជារបស់លោក ជា វណ្ណារិទ្ធ ជាកូន និងជាមេឃ្លាំង លុយហើយនោះ គឺលោក ជា ប៊ុនធឿន គឺស៊ីញ៉េភ្លាមៗផង ដែរ ។ នេះបង្ហាញឱ្យឃើញពី របៀបឃុបឃិតគ្នាឱ្យមានអំពើ ពុករលួយក្នុងស្ថាប័នមួយនេះ ៕
លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ
