ខេត្តព្រះសីហនុៈ រថយន្តមួយគ្រឿងបានឆេះផ្នែកកាប៊ិនខាងមុខអស់ទាំងស្រុងកាលពីម៉ោង ៤និង៤០នាទីទាបភ្លឺថ្ងៃទី ១៣ ខែមិនា ឆ្នាំ២០១៥ ត្រង់ចំណុចឆ្នេរហាវៃក្នុងបឹងហ្គាឡូត៍ អ៊ីម៉ារីយ៉ូសូណាន់របស់ក្រុមហ៊ុនជប៉ុនស្ថិតក្នុងក្រុមទី៣០ ភូមិ៣ សង្កាត់៣ ក្រុង-ខេត្តព្រះសីហនុ។ ប្រភពពីកន្លែងកើតហេតុបានអោយដឹងថាមុនពេលកើតហេតុគេបានឃើញមានរថយន្ត២គ្រឿងចតទន្ទឹមគ្នានៅមុខផ្ទះក្រោយមកក៏ឮសំឡេងផ្ទុះឡើងហើយក៏មានអណ្ដើតភ្លើងឆាបឆេះត្រង់ក្បាលរថយន្តមួយគ្រឿងយ៉ាងសន្ធោសន្ធៅបង្កអោយមានភាពភ្ញាក់ផ្អើលដល់សន្តិសុខនិងបុគ្គលិកបម្រើការងារនៅក្នុងបូរីនោះ ហើយក៏គេបានឃើញបងប្អូនប្រជាពលរដ្ឋដែលនៅក្បែរនោះនាំគ្នាជួយយកទឹកពន្លត់ចំណែករថយន្តមួយគ្រឿងទៀតត្រូវបានគេយកចេញក្រៅបានទាន់ពេលវេលា ។ រថយន្ដដែលបានឆេះក្បាលទាំងស្រុងនោះមានម៉ាក Range Rover ពណ៌ស ពាក់ស្លាកលេខ ព្រះសីហនុ 2A 6969 ដោយឡែករថយន្តដែលអែបនៅក្បែរនោះ មានម៉ាក ធុនត្រា ពណ៌ខ្មៅ គ្មានស្លាកលេខ ។
តាមការអោយដឹងពីកូនប្រុសមហាសេដ្ឋីនីកូឡៃឈ្មោះ ដូរ៉ូស៊ីនកូអូស្ដាប់ សញ្ជាតិខ្មែរដើមកំណើតរុស្ស៊ី បានអោយដឹងយ៉ាងដូច្នេះថា (សំឡេងដើម) ។
ទាក់ទិនជុំវិញបញ្ហាខាងលើនេះនៅនិងកន្លែងកើតហេតុ មានមតិរិៈគន់ចំពោះលោក សារ៉ាត់ វិជ្ជា នាយការិយាល័យបច្ចេកទេស បានប្រើពាក្យសម្ដីអសុរស ទៅលើអ្នកសារពត៌មានដោយប្រើសម្ដីប្រមាថមើលងាយបណ្ដេញអ្នកសារព័ត៌មានមិនអោយសាកសួរទៅលើជនរងគ្រោះយ៉ាងចាស់ដៃ ដែលទង្វើបែបនេះពុំមែនជាក្រមសីលធម៌នគរបាលយុតិធម៌នោះទេ ។
រហូតមកដល់ពេលនេះគេពុំទាន់ដឹងថាការឆេះនេះបណ្ដាលមកពីបញ្ហាអ្វីនោះទេ។
