រថយន្តដឹកទំនិញប្រទេសថៃតាមច្រកកោះកុងត្រូវប្រជាពលរដ្ឋបា នរាយការណ៍ថា ជា របស់ឈ្មួញម្នាក់ឈ្មោះ ចែ ង៉ែត ដែលមានខ្នងបង្អែកយ៉ាងក្រាស់ឃ្មឹកនៅពីក្រោយនៃការដឹកជញ្ជូននេះមិនដែ លមាន សមត្ថកិច្ចណាចាប់ ឬហ៊ានឃាត់ឡើយ ។ ក្រៅពីនោះក្រុមអាជ្ញាធរក៏បានអះអាងថា ក្រុមប៉ូលិសក្រសួងដែលមានឈ្មោះ ម៉ៅ ចាន់វិជ្ជា ជាមេទទួលផែនបង្ក្រាប និងទប់ស្កាត់បទល្មើសសេដ្ឋកិច្ចទិសកោះកុងក្លាយជាអ្នកមើលផ្លូវនិងជាខ្នងបង្អែកឱ្យឈ្មួញយ៉ាងកាក់កបបំផុត ។ ទំនិញដឹកតាមរថយន្តពីប្រទេសថៃត្រូវបានគេដឹងថា ក្នុងមួយថ្ងៃៗមិនតិចជាង ២០ តោនទេ ត្រូវបានក្រុមសមត្ថកិច្ច និងជំនាញប៉ូលិសសេដ្ឋកិច្ចក្រសួងដែលមើលការខុសត្រូវតាំងពីព្រំដែន ខេត្ត កោះកុង រហូតមក ដល់ក្រុងភ្នំពេញបន្តបើកដៃឱ្យ មេឈ្មួញធំៗដឹកយ៉ាងគគ្រឹកគគ្រេងជារៀងរាល់ថ្ងៃ ដែលមេឈ្មួញ ទាំងនោះត្រូវ បាន គេដឹងថា មានខ្នងបង្អែកធំៗនៅ ពីក្រោយ ។
ប្រភពបានឱ្យដឹងទៀតថា ក្នុងមួយថ្ងៃៗរថយន្តរបស់មេឈ្មួញខាងលើបានដឹកមិនតិច ជាង ២០ឡាននោះទេ ហើយរថយន្តនេះក៏មិនដែលបង់ពន្ធចូលរដ្ឋឱ្យបាន ១០០ភាគរយនោះដែរ ពោលក្នុង ជាង ២០ ក៏បង់ត្រឹម៦ទៅ៧ឡានតែប៉ុណ្ណោះ ដោយមានមេប៉ូលិសនៅច្រកព្រំដែនម្នាក់ ជាអ្នកចេញមុខរត់ការឱ្យផង ។
សេចក្តីរាយការណ៍ថាមេឈ្មួញដ៏ធំមួយនេះនៅពេលចេញដំណើរពីខេត្តកោះកុងមកកាន់ក្រុងភ្នំពេញគេបានរត់ការបង់លុយទៅឱ្យកាំកុងត្រូលគយនិងប៉ូលិសសេដ្ឋកិច្ចដែលនៅតាមផ្លូវគ្រប់ៗគ្នា ទើបការដឹកបានប្រព្រឹត្តទៅជារៀងរាល់យប់ គ្មានឈឺក្បាលដល់អស់លោក ណាមួយឡើយ នៅពេលដែលរដ្ឋាភិបាលកំពុងតែជម្រុញឱ្យ មានការ ប្រ មូលពន្ធ ១០០% ចូលរដ្ឋនោះ។ពីព្រោះតែគេបានត្រូវុរ៉ូវគ្នាយ៉ាងស្អិតរមួតបំផុត ។
ក្រុមអ្នកប្រជាពលរដ្ឋរកស៊ីតូចតាចបានលើកឡើងថា តើមានមូលហេតុណា ដែលក្រុម សមត្ថកិច្ចទាំងនោះ ហ៊ានបើកដៃ ទំនិញពីប្រទេសថៃយ៉ាងគក្រឹកគគ្រេងយ៉ាងនេះ ជាពិសេស គឺមេប៉ូលិសសេដ្ឋកិច្ចម៉ៅ ចាន់វិជ្ជា តែម្តងបានក្លាយខ្លួនទៅជាអ្នកមើលផ្លូវនិងការពារឱ្យឈ្មួញ ធ្វើអាជីវកម្មនាំទំនិញខុសច្បាប់ចូលស្រុក និងទៅកាន់ទីផ្សារភ្នំពេញយ៉ាងសុវត្ថភាពបំផុត ។
សូមរំលឹកថា ក្នុងពេលបច្ចុប្បន្ន រាជរដ្ឋាភិបាលអាណត្តិថ្មីកំពង់ប្រយុទ្ធក្នុងការកែទម្រង់ បានផ្តោតជាសំខាន់លើវិស័យធំៗជាចម្បង ក្នុងនោះការបាត់បង់ពន្ធគយដែលធ្វើឱ្យប្រទេស ជាតិខាតបង់ប្រាក់ចំណូលយ៉ាងច្រើនសន្ធឹក សន្ធាប់បណ្តាល មកពីរត់ការក្រៅប្រព័ន្ធ មិនបាន បង់លុយចំណូលពន្ធទាំងនោះ ឱ្យចូលរដ្ឋឱ្យបានគ្រប់ ១០០ ភាគរយ តាម ច្បាប់នោះទេ !៕
អ៊ួង វ៉ឹង
