ខេត្តព្រះសីហនុ ៖ លោក អៀង សុធារ៉ា ប្រធានក្រុមហ៊ុនអៀងគ្រុប អាចនឹងមានវាសនាអាក្រក់ មិនខុសលោកជៀម ផែន ថៅកែស្រាបៀរលីអូរនោះទេ បើសិនជារូបគាត់នៅតែមានមហិតាឃុបឃិតគ្នារំលោភបំពានយកដីយាយតា ជាចាស់ជរា ទំហំប្រមាណជាង ៥ ហិកតា នៅតំបន់ពយយាម៉ី ឃុំកែវផុស ស្រុកស្ទឹងហាវ ខេត្តព្រះសីហនុ ពីព្រោះរាល់បទល្មើសដែលលោក អៀង សុធារ៉ា ប្រធានក្រុមហ៊ុនអៀងគ្រុប បានរៀបចំនិងឃុបឃិតគ្នារំលោភបំពានយកដីយាយតា មិនខុសគ្នានិងលោក ជៀម ផែន ថៅកែស្រាបៀរលីអូ ជាមួយនិងប្រជាពលរដ្ឋរងគ្រោះ ៤៩ គ្រួសារ រស់នៅ ក្នុងភូមិចំរាំងឃុំកែវផុស ស្រុកស្ទឹងហាវនោះ ឡើយ ។
ក្រុមមន្ត្រីក្រុមព្រឹក្សាស្រុកស្ទឹងហាវប្រមាណ ២ ទៅ ៣ នាក់ ដែលបានដឹងច្បាស់ពីសាវតា លោកយាយ លោកតា បាននិយាយរៀបរាប់ប្រាប់ឲ្យដឹងត្រង់ៗថា លោកតាឈ្មោះ នាង ឃិន និងលោកយាយឈ្មោះ លាង ឃី ដែលបច្ចុប្បន្នពូកគាត់ទាំង ២ នាក់មានអាយុជាង៧០ឆ្នាំ ចាស់ជរាទៅហើយនោះ គឺជាម្ចាស់លើទីតាំងដីទំនាស់យ៉ាងពិតប្រាកដ ដោយគាត់បានចូលកាន់កាប់ដីនោះ តាំងពីឆ្នាំ១៩៨៩ ជំនាន់មានខ្មែរក្រហមមកម្លេះ ហើយកាន់កាប់របស់គាត់ក៍មានការទទូលស្គាល់ ពីសំណាក់អាជ្ញាធរមួលដ្ឋានពិតប្រាកដផងដែរ និងសូម្បីតែលោក ទឹម យុន អតីតមេបញ្ជាការយោធាស្រុកស្ទឹងហាវ ក៏មានការបញ្ជាក់ថា លោកតាឈ្មោះ នាង ឃិន និងលោកយាយឈ្មោះ លាង ឃី ពិតជាបានរស់នៅ និងកាន់កាប់លើដីទីតាំងទំនាស់តាំងពីឆ្នាំ ១៩៨៩ ផងដែរ ។ សរុបសេចក្តីមកអ្វីដែលលោកយាយ លោកតា មានគ្រប់យ៉ាងដែលជាឯកសារផ្លូវច្បាប់ បញ្ជាក់ពីរការកាន់កាប់លើដីរបស់គាត់ ដែលបានយកទៅដាក់បង្ហាញសំរាប់តតាំងក្តីនៅ ចំពោះមុខមន្ត្រីអ្នកអនុវត្តន៍ច្បាប់មិនត្រូវបានគេយកភ្នែកមើលនោះទេ នេះជាការពិត (សម័យលោក ស្បោង សារ៉ាត ជាអភិបាលខេត្តព្រះសីហនុ) ។
ដោយឡែ កសំរាប់ពាក្យបណ្តឹង ក៏ដូចជាពាក្យស្នើរសុំផ្សេងៗរបស់ឈ្មោះ អៀង សុធារ៉ា ប្រធានក្រុមហ៊ុនអៀងគ្រុបវិញ ទោះបីជាឯកសារនោះមិនមានភាពច្បាស់លាស់យ៉ាងណាក៏ដោយ ក៏ត្រូវបានគេលើកយកមកសម្រេច និងឲ្យភាគីឈ្មោះ អៀង សុធារ៉ា ឈ្នះក្តី រហូតយ៉ាងអយុត្តិធម៌បំផុត ជាហេតុធ្វើឲ្យលោកតាឈ្មោះ នាង ឃិន និងលោកយាយឈ្មោះ លាង ឃី ជាចាស់ជរាក្រីក្រ រងទុកលំបាកវេទនាគ្មានទីបញ្ចប់ ។
ទង្វើរបស់ក្រុមអ្នកអនុវត្តច្បាប់កាត់អោយអ្នកប្លន់ដីលោកតាឈ្មោះ នាង ឃិន និងលោកយាយឈ្មោះ លាង ឃី ឈ្នះ បែបនេះ ត្រូវបានគេសង្ស័យថាវាជាអំពើឃុបឃិតគ្នាយ៉ាងពិតប្រាកដ ។ ក្រុមមន្ត្រីក្រុមព្រឹក្សាស្រុកដដែល បានបញ្ជាក់ថា រឿងរ៉ាវការប្តឹងផ្តល់រវាងលោកតាឈ្មោះ នាង ឃិន និងលោកយាយឈ្មោះ លាង ឃី និងលោក អៀង សុធារ៉ា ប្រធានក្រុមហ៊ុនអៀងគ្រុប បើប្រព័ន្ធអនុវត្តច្បាប់មានភាពយុត្តិធម៌ មិនលំអៀង មិនប្រកាន់បក្ខពូក មិនឃុបឃិតគ្នាមិនប្រព្រត្តិអំពើពុករលូយ និងធ្វើការអនុវត្តច្បាប់ទៅតាមតែអ្វីដែលជាភាពត្រឹមត្រូវ ដូចជាអ្វីដែលលោកតាឈ្មោះ នាង ឃិន និងលោកយាយឈ្មោះ លាង ឃី មានពាក់ព័ន្ធទៅនិងការកាន់កាប់លើទីតាំងដីទំនាស់ ជាឯកសារផ្លូវច្បាប់មានអ្វីខ្លះ និងភាគីលោក អៀង សុធារ៉ា មានអ្វីខ្លះយកមកដាក់បង្ហាញឲ្យបានច្បាស់លាស់ នៅពេលនោះអ្វីដែលជាការពិត នឹងត្រូវលាតត្រដាង រកឃើញអ្វីដែលជាការពិតយកមកធ្វើការដោះស្រាយបាន យ៉ាងយុត្តិធម៌បំផុត គ្មានអ្វីជាការលំបាកនោះទេ តែផ្ទុយទៅវិញ សុំណុំរឿងទំនាស់ខាងលើនេះ ត្រូវបានមហាជនទូទៅជាពិសេសប្រជាពលរដ្ឋរស់នៅឃុំកែវផុសតែម្តង បាននាំគ្នានិយាយរិះគន់ថា ការឈ្នះក្តីរបស់លោក អៀង សុធារ៉ា ដោយការឃុបឃិតគ្នាជាលក្ខណៈប្រព័ន្ធទៅលើលោកតាឈ្មោះ នាង ឃិន និងលោកយាយឈ្មោះ លាង ឃី ដ៏កំសត់វាជាអំពើឃុបឃិតគ្នាទាំងស្រុង ។
ប៉ុន្តែទោះជាយ៉ាងណាក៍ដោយរឿងទំនាស់លោកតាឈ្មោះនាងឃិននិងលោកយាយឈ្មោះលាងឃីនិងលោកអៀង សុធារ៉ា ប្រធានក្រុមហ៊ុនអៀងគ្រុប បើប្រព័ន្ធអនុវត្តច្បាប់ដោយគតិយុត្តិធម៌ មិនលំអៀងមិនយុត្តិធម៌ទេនោះ លោក អៀង សុធារ៉ា អាចនិងមានវាសនាអាក្រក់ដូចលោក ជៀម ផែន ថៅកែស្រាបៀរលីអូរមិនខានឡើយ រូមទាំងមន្ត្រីអ្នកអនុវត្តច្បាប់ដែលមានការពាក់ពន្ធ័ផងដែរ ពីព្រោះសុំណុំរឿងមិនប្រក្រតីខាងលើនេះ កំពុងត្រូវបានអង្គភាពប្រឆាំងអំពើពុករលូយ ចាប់អារម្ភបំផុត ហើយជាពិសេសលិខិតសុំការជូយអត្តរាគមន៍ពីសម្តេចពញាចក្រី ហេង សំរិន ពីអង្គភាពប្រឆាំងអំពើពុករលួយ ក៏លោកយាយលោកតា បានដាក់ចូល និងទទួលបានរួចរាល់ផងដែរ ។
ថ្មីៗនេះ មន្ត្រីអង្គភាពប្រឆាំងអំពើរពុករលូយក៍បានដាក់លិខិតចូលមកសាលាខេត្តព្រះសីហនុ ដើម្បីសូមឲ្យឯកឧត្តម ឈិត សុខុន អភិបាលខេត្តព្រះសីហនុធ្វើការពិនិត្យឡើងវិញ ចំពោះបញ្ហារមិនប្រក្រតីខាងលើនេះ និងផ្តល់ភាពយុត្តិប្រគាល់ដីឲ្យយាយតាកាន់កាប់វិញ ពីព្រោះយាយតារងទុក្ខលំបាកយូឆ្នាំមកហើយ ៕
