ភ្នំពេញ៖ មួយរយៈចុងក្រោយនេះ ពិធីការិនី នៅ សូនីតា ហាក់បីដូចជាមានយីអ៊ុនខ្ពស់ដូចពពក ទាំងស្នេហា និង ការងារ បន្ទាប់លេចធ្លាយពត៌មានថា មានបុរសមានទ្រព្យម្នាក់កំពុង ស្ថិតក្រោមការជ្រោមជ្រែង ចំពោះភាពហហ៊ឺហារបស់នាង ។ តារាសម្តែង និងជាពិធីការិនី
វ័យក្មេង នៅ សូនីតា ត្រូវបានប្រភពទម្លាយឲ្យដឹងថា នាងកំពុងសោយសុខយ៉ាងអាថ៌កំបាំងជាមួយបុរស ជាគូស្នេហ៍សម្បូរទ្រព្យម្នាក់ ដែលជាគូស្នេហ៍ចាស់របស់នាង។ ទោះយ៉ាងណា នៅ សូនីតា នាងបានបដិសេធរឿងនេះហើយថែមទាំងមិនចង់ឮរឿងរ៉ាវទាំងនេះផងដែរ ។
កាលកន្លងមក តារាសម្តែង និងង្ហាញម៉ូដរាងតូចច្រឡឹង ដែលសព្វថ្ងៃ កំពុងធ្វើពិធីការិនីប្រចាំនៅស្ថានីយទូរទស្សន៍ប៉ុស្តិ៍លេខ៥ កញ្ញា នៅ សូនីតា ធ្លាប់ជំពប់នឹងរឿងរ៉ាវអាស្រូវស្នេហាផ្អែមល្ហែម ជាមួយបុរសអ្នកមានទ្រព្យម្នាក់ និងទើបតែស្ងប់ស្ងាត់បានមួយរយៈ ក៏ស្រាប់តែថ្មីៗនេះ មានការលេចឮឡើងជាថ្មីម្តងទៀតថា នៅ សូនីតា នៅតែបន្តទំនាក់ទំនងជាមួយគូស្នេហ៍ចាស់របស់នាង។
យោងតាមប្រភពពីមិត្តភក្តិរបស់តារាស្រីរាងតូចស្រឡូន ស្រស់ស្អាតច្រឡឹង នៅ សូនីតា បានបង្ហើបប្រាប់ឲ្យដឹងថា បុរសជាគូស្នេហ៍ចាស់របស់ សូនីតា មិនត្រឹមតែទំនុកបម្រុងនាងឲ្យមានជីវភាពហឺហាប៉ុណ្ណោះទេ ថែមទាំងយកចិត្តទុកដាក់ចំពោះនាងខ្លាំងទៀតផង ៕
