កូនប្រុសតារាក្បាច់គុនកុងហ្វូ ឈិន ឡុង ត្រូវបានតុលាការចិនដោះលែងវិញហើយកាលពីថ្ងៃសុក្រនេះ បន្ទាប់ជាប់ពន្ធនាគារអស់រយៈពេល៦ខែមក។
គេហទំព័រចិន NetEase ចុះផ្សាយថា កូនប្រុសឈិន ឡុង Jaycee Chan បានរត់ចូលក្នុងរថយន្តភ្លាមៗកាលពីព្រឹកថ្ងៃសុក្រនេះ ពីមន្ទីរឃុំឃាំងស្រុក Dongcheng ប្រទេសចិន ហើយរថយន្តក៏បន្តក្នុងល្បឿនលឿន និងបើកសារ៉ែនក្រហម ដើម្បីគេចពីអ្នកកាសែត។ Chan ដែលជាតារាសម្ដែង និងចម្រៀង ត្រូវប៉ូលិសចាប់ខ្លួនកាលពីខែសីហា ឆ្នាំ២០១៤ និងចោទប្រកាន់ពីបទផ្ដល់កន្លែងដល់អ្នកប្រើប្រាស់គ្រឿងញៀនផ្សេងទៀត ហើយក្នុងផ្ទះតារាវ័យ៣១ឆ្នាំរូបនេះ ប៉ូលិសរកឃើញគ្រឿងញៀន១០០ក្រាម។
សេចក្ដីថ្លែងការណ៍មួយចេញពីក្រុមហ៊ុនបានឱ្យដឹងថា Chan និងភ្នាក់ងាររបស់លោក M’Stones International នឹងធ្វើសន្និសីទកាសែតផ្លូវការមួយ នៅថ្ងៃសៅរ៍នេះ ដើម្បីឱ្យតារារូបនេះ សុំទោស និងពន្យល់រឿងរ៉ាវកើតឡើង ទៅកាន់មហាជន៕
