ចិន៖ បុរសជនជាតិចិនម្នាក់បានចំណាយប្រាក់អស់រាប់ពាន់ដុល្លារ ដើម្បីស្វែងរកមិត្តស្រីតាម អនឡាញ ហើយអ្វីដែល បុរសនោះហួសចិត្តបំផុតនោះ គឺបានជួយនារីម្នាក់ ដែលមុខមាត់ របស់នាងនៅខាងក្រៅអាក្រក់ខុសគ្នាឆ្ងាយពីរូប នៅក្នុងអនឡាញ ទើបធ្វើអោយបុរសខឹងក៏ វាយដំនាងតែម្តង។ តាមប្រភពពត៌មានបានអោយដឹងថា បុរសឈ្មោះ Huang រស់នៅទីក្រុង Harbin ខេត្ត Heilongjiang ចំណែកឯនារីនោះមានឈ្មោះ Xiaojin រស់នៅទីក្រុង Suzhou ខេត្ត Jiangsu ហើយអ្នកទាំង២បានស្គាល់ និងទាក់ទងគ្នាតាមបណ្តាញសង្គមមួយឈ្មោះ WeChat។
ដោយសារតែឃើញរូបរបស់នាង Xiaojin មានសម្រស់ស្រស់ស្អាត ភ្នែកធំៗ ទំរង់មុខស្អាត និងមានស្បែកសនោះ លោក Huang ក៏សំរេចចិត្តណាត់ជួយនាងនៅខាងក្រៅ។ លោក Huang បានចំណាយប្រាក់រាប់ពាន់ដុល្លារ ដើម្បីជិះ យន្តហោះមកជួបនាង ប៉ុន្តែលោក Huang បានស្រងាកចិត្តយ៉ាងខ្លាំង ពេលឃើញរូបនាង Xiaojin នៅខាងក្រៅ មានមាឌធំ មុខប៉ោង ភ្នែកតូច និងសម្បុលស្រអែល ខុសគ្នាដាច់ពីរូបភាពរបស់នាងនៅក្នុងអិនធើណេត។
លោក Xiaojin បាននិយាយថា រូបក្នុងអិនធើណេត គឺជារូបកែច្នែប៉ុណ្ណោះ ហើយនាងផាត់មុខទើបឃើញស្រស់ស្អាត បែបនោះ បន្ទាប់មកអ្នកទាំង២ក៏បានឈ្លោះ ប្រកែកគ្នានៅតាមផ្លូវសាធារណៈ ដោយខឹងពេកលោក Huang ក៏បាន វាយនាងឡើងទ្រោមតែម្តង។ អ្នកទាំង២ត្រូវបានបញ្ចូនទៅកាន់ប៉ូស្តិ៍ប៉ូលីស ហើយជំលោះនោះក៏ត្រូវបាន ដោះស្រាយ។ លោក Huang បានជិះយន្តហោះត្រលប់ទៅផ្ទះវិញទាំងខកចិត្តយ៉ាងខ្លាំង ហើយលោកនិយាយថា លោកលែង ជឿការ ទាក់ទងគ្នាតាមអនឡាញទៀតហើយ។
