យន្តហោះចម្បាំងរបស់ហ្ស៊កដានី បាន ការវាយប្រហារលើក ដំបូងរបស់ខ្លួន ទៅលើគោលដៅ ក្រុមរដ្ឋអ៊ីស្លាមជ្រុលនិយម Islamic State (IS) ចាប់តាំងពីក្រុមសកម្ម ប្រយុទ្ធមួយនេះ បង្ហាញនូវវីដេអូ សម្លាប់ចំណាប់ខ្មាំង ហ្ស៊កដានី ជាពីឡុតបើកយន្តហោះ ។
សេចក្តីរាយការណ៍ បញ្ជាក់អោយដឹងថា នៅតាមផ្លូវធ្វើដំណើរ ហោះទៅ វាយ ប្រហារ IS នោះ បណ្តា យន្តហោះចម្បាំង បានហោះកាត់ ភូមិជាទីលំនៅស្ថាន របស់ពីឡុត ស្លាប់ បាត់បង់ជីវិត លោក Moaz al-Kasasbeh ។ ទន្ទឹមនឹងការហោះរំលង ភូមិ ជាទីលំនៅស្ថាន របស់ ពីឡុត ស្លាប់បាត់បង់ជីវិតនោះ វិនាទី ស្តេ ចហ្ស៊ក ដានី King Abdullah II ក៏បានចុះទៅដល់ផ្ទាល់ គេហដ្ឋាន ជនរងគ្រោះដូចគ្នាដែរ ដោយ បានជួបប្រជុំ ជាមួយនឹងក្រុមគ្រួសារ ពីឡុត ស្លាប់បាត់បង់ជីវិត ទៅហើយនោះ ។
គួរបញ្ជាក់ថា ស្តេចអង្គនេះ បានប្តេជ្ញាចិត្ត ខ្ពស់ ក្នុងការប្រើចំណាត់ការគ្រប់រូបភាព វាយប្រហារប្រឆាំង ទៅនឹងក្រុម IS ។ របាយការណ៍ បញ្ជាក់ថា ហ្ស៊កដានី គឺជាផ្នែកមួយនៃ ក្រុមចម្រុះវាយប្រហារតាមអា កាស ដឹកនាំដោយសហរដ្ឋអាមេរិក ប្រឆាំងទៅនឹង IS ។ ជាការគូសបញ្ជាក់ ពីមន្រ្តីផ្លូវការអោយដឹងថា លោក Lt Kasasbeh ជនរងគ្រោះ ក្រុម IS ដុតសម្លាប់ទាំងរស់នោះ ត្រូវបានចាប់ឃាត់ខ្លួនបានសម្រេច ដោយក្រុមឧទ្ទាមមួយនេះ កាលពីឆ្នាំមុន បន្ទាប់ពីយន្តហោះចម្បាំង F-16 របស់គាត់ ធ្លាក់នៅក្នុងប្រ ទេសស៊ីរី ។ អំឡុងសប្តាហ៍នេះ IS បានបង្ហោះផ្សាយ វីដេអូអនឡាញ បង្ហាញ ឃើញជាក់ស្តែង ពីឡុត ខាងលើ ត្រូវបានដុតសម្លាប់ទាំងរស់ នៅក្នុងទ្រុងនោះ បានញ៉ាំងអោយមានការ ផ្ទុះឡើងនូវកំហឹង និង ប្តេជ្ញាសងសឹកអោយទាល់តែបាន នៅក្នុងប្រទេស ហ្ស៊កដានី ។
ទូរទស្សន៍រដ្ឋ អំឡុងថ្ងៃព្រហស្បត្តិ៍ ម្សិលមិញនេះ បានផ្សាយអោយឃើញ នូវរូបភាព ជាក់ស្តែង ស្តេច ហ្ស៊កដានី អង្គុយ កៀក នឹង លោក Saif al-Kasasbeh ជាឪពុក ពីឡុត នៅ ក្នុងភូមិ Aya ជិតទីក្រុង Karak មានទីតាំង ស្ថិតនៅភាគខាងត្បូង នៃរដ្ឋធានី Amman ។
ជាការស្រាយបំភ្លឹ ពីមន្រ្តីយោធា អោយដឹងថា យោធា មិនបានបញ្ជាក់ច្បាស់ពីទីតាំងវាយប្រហារ តាម អាកាសនោះទេ ក៏ប៉ុន្តែ នៅក្នុងសេចក្តីថ្លែងការណ៍រួម បញ្ជាក់ អោយដឹងថា បណ្តា យន្តហោះចម្បាំង ច្រើនគ្រឿង បានវាយប្រហារ ប្រឆាំងទៅនឹង IS រួមមានដូចជា ទីតាំងនៃជុំ រុំហ្វឹក ហ្វើន ក៏ដូចជា ឃ្លាំង ស្តុកអាវុធជាដើម ៕
