ខេត្តព្រះសីហនុ ៖ ប្រជាពលរដ្ឋជាច្រើនរស់នៅតាមបណ្តោលវិថី ២ ធ្នូស្ថិតក្នុងភូមិលេខ១ សង្កាត់៣ ក្រុងព្រះសីហនុ (តំបន់ពយកំពេញ) បាននាំគ្នាផ្តិតមេដៃដាក់ពាក្យបណ្តឹង ចូលទៅអាជ្ញាធរខេត្តឲ្យជូយធ្វើអន្តរាគមន៍ចំពោះក្រុមហ៊ុន ប៉ុលឈុន ស៊ីហ៊ួ អ៊ីនធើណេសិនណល ហូរថេល ដែលកំពង់ធ្វើការពង្រីកផ្លូវដោយចោទប្រកាន់ថា ក្រុមហ៊ុន បានកាយយកអាចដីនៅសងខាងផ្លូវជំរៅ៣ទៅ៤ម៉ែត្រយកទៅចាក់បំពេញលើដីរបស់ខ្លូនបង្ករផលប៉ះពាល់យ៉ាងធ្ងន់ធ្ងរដល់លំនៅដ្ឋានប្រជាពលរដ្ឋរស់នៅសងខាងផ្លូវដោយលំនៅដ្ឋានប្រជាពលរ្ឋទាំងនោះអាចប្រឈមការបាក់ស្រុតគ្រប់ពេលវេលា ។
.លោកស្រី ថោង ពុទ្ធាវី អាយុ៣៦ឆ្នាំ តំណាងប្រជាពលរងគ្រោះខាងលើ បាននិយាយរៀបរាប់ប្រាប់ក្រុមអ្នកសាព័ត៌មានកាសែត និងទូរទស្សន៍ជាច្រើនថា ប្រជាពលរដ្ឋមានសេចក្តីត្រេកអរខ្លាំងណាស់ ចំពោះគោលការអភិវឌ្ឍ ពង្រីកវិថី២ធ្នូ របស់អាជ្ញាធរខេត្តទំហំសងខាងម្ខាង១២ម៉ែត្រ បន្ថែមលើផ្លូវចាស់ ដែលមានស្រាប់ធ្វើឲ្យផ្លូវបានធំទូលាយងាយស្រូលក្នុងការធ្វើចរាចរណ៍ទៅមក ជាពិសេសលើស្ទូយសោភណ្ណ័ភាពមុខមាត់ក្រុងទេសចរណ៍ឆ្នេរសមុទ្រយើងបានមួយកំរិតបន្ថែមទៀតផងដែរ ។ ប៉ុន្តែចំពោះការសាងសង់ពង្រីកផ្លូវរបស់ក្រុមហ៊ុនខាងលើបែបកាយយកអាចម៍ដីនៅសងខាងផ្លូវជំរៅ ៣ ទៅ៤ម៉ែត្រដូចនេះ យើងខ្ញុំប្រជាពលរដ្ឋមិនគាំទ្រនោះឡើយ និងប្រឆាំងដាច់ខាត ពីព្រោះការកាយយកអាចម៍ដីដ៏ជ្រៅបែបនេះ វាអាចបង្កផលប៉ះពាល់បាក់ស្រុតលំនៅដ្ឋានយើងខ្ញុំ ដែលរស់នៅសងខាងផ្លូវគ្រប់ពេលវេលា ។
ជាមួយគ្នានេះ បងប្អូនប្រជាពលរដ្ឋរងគ្រោះទាំងអស់បានធ្វើសុំណូមពរទៅដល់អាជ្ញាធរខេត្តឲ្យជូយអន្តរាគមន៍ ចំពោះក្រុមហ៊ុនខាងលើដែលទទូលសិទ្ធិសាងសង់ពង្រីកវិថី២ធ្នូនេះ ធ្វើយ៉ាងណាឲ្យក្រុមហ៊ុននេះអនុវត្តការជួសជុលផ្លូវ និងពង្រីកផ្លូវធ្វើទៅតាមស្ថានភាពផ្លូវ ដែលមានស្រាប់ ដើម្បីបញ្ជៀសផលប៉ះពាល់លំនៅដ្ឋានយើងខ្ញុំទាំងអស់គ្នា ដែលកំពង់រស់នៅស្រាប់។
.លោក អ៊ី ធារិន នាយករងការិយាល័អន្តរវិស័យសាលាខេត្តព្រះសីហនុ បានធ្វើការបញ្ជាក់ថា ជុំវិញបញ្ហារបណ្តឹងប្រជាពលរដ្ឋសូមអន្តរាគមន៍ខាងលើនេះ អាជ្ញាធរខេត្តបានចុះទៅធ្វើការហាមឃាត់ និងផ្អាកការដ្ឋានសាងសង់និងពង្រីកផ្លូវរបស់ក្រុមហ៊ុនខាងលើជាបណ្តោះអាសន្ន ហើយដើម្បីឲ្យមន្ត្រីជំនាញដែលពាក់ពន្ធ័សាងសង់ផ្លូវនេះធ្វើការសិក្សាឡើងវិញ ។
.លោក លី វ៉ានដា អភិបាលរងក្រុងព្រះសីហនុក៍បានមានប្រសាសន៍ផងដែរថា គំរោងពង្រីកផ្លូវបន្ថែមរបស់ក្រុមហ៊ុនខាងលើនេះ ធ្វើយ៉ាងណានោះ លោកមិនដឹងនោះទេ ពីព្រោះនេះជារឿងរបស់មន្ត្រីជំនាញហើយចំពោះការសូមអន្តរាគមន៍របស់ប្រជាពលរដ្ឋអាជ្ញាធរខេត្តកំពុងធ្វើការដោះស្រាយហើយជាមួយនិងមន្ត្រីជំនាញ ។
គូរបញ្ជាក់ផងដែរថា វិថី២ធ្នូនេះជាផ្លូវចាក់អ៊ុតកៅស៊ូយ៉ាងល្អប្រណិត ដែលមានស្រាប់សាងសង់ឡើងរាប់ស៊ិបឆ្នាំមកហើយ ប៉ន្តែថ្មីៗនេះក្រុមហ៊ុន ប៉ុលឈុនស៊ីហ៊ួ អ៊ីនធើណេសិនណល ហូរថេល មានកំរោងធ្វើសណ្ឋាគារខ្នាតលំដាប់ផ្កាយប្រាំចំនូន៧០០បន្ទប់ នៅលើទីតាំងដីរបស់ខ្លូន ដែលស្ថិតនៅជាប់និងវិថី២ធ្នូនេះ ព្រមទាំងបានធ្វើការស្នើសុំពង្រីកវិថី ២ ធ្នូបន្ថែមប្រវែង៥០០ម៉ែត្រ ដោយទទឹងពង្រីកបន្ថែមទំហំ២០ម៉ែត្របូករូមលើទំហំចាស់ដែលមានស្រាប់ ។
ភាគីក្រុមហ៊ុនខាងលើក្រោយពីទទូលបានសិទ្ធិក្នុងការពង្រីកផ្លូវខាងលើនេះរូច ក៍បានចាប់ផ្តើមធ្វើការឈុសឆាយរូចកាយយកអាចម៍ដីនៅសងខាងផ្លូវចំណុចខ្លះជំរៅ ៣ ម៉ែត្រ និងចំណុចខ្លះជំរៅ ៤ ម៉ែត្រ រូចហើយដឹកយកអាចម៍ដីទាំងនោះទៅចាក់បំពេញលើទីតាំងដីរបស់ខ្លូន នៅជាប់មាត់បឹងខាងក្រោយអូតែលសុខាជាហេតុធ្វើអោយប្រជាពលរដ្ឋនាំគ្នាប្តឹងតវ៉ាក្នុងពេលនោះតែម្តងទៅ ពីព្រោះបើទុកឲ្យក្រុមហ៊ុននៅតែបន្តជីកយកដីផ្លូវបែបនេះតទៅទៀត លំនៅដ្ឋានរបស់ពួកគាត់ដែលរស់នៅសងខាងផ្លូវច្បាស់ជាត្រូវបាក់ស្រុតរលំគ្រប់ពេលវេលាគេចមិនផុតនោះទេ ។
ជុំវិញបញ្ហាភាពមិនប្រក្រតីខាងលើនេះ បើតាមការលូចបង្ហើបប្រាប់ឲ្យដឹងពីមន្ត្រីជំនាញមន្ទីរសាធារណការណ៍ខេត្តព្រះសីហនុម្នាក់ថា ដោយសារតែផ្លូវនេះមានស្ថានភាពខ្ពស់ទាបមិនស្មើរគ្នា ហើយមានកំពស់ខ្ពស់ជាងទីតាំងដីក្រុមហ៊ុនដែលគ្រោងធ្វើការសាងសង់សណ្ឋាគារលំដាប់ផ្កាយប្រាំ ។ ហើយការកាយដីសំរុតចុះក្រោម ដែលកន្លែងខ្លះជំរៅ៣ម៉ែត្រនិងកន្លែងខ្លះ៤ទៅ៥ម៉ែត្រនោះ វាជាគំរោងរបស់ក្រុមហ៊ុនដែលគេបានសិក្សារូចហើយ ក្នុងគោលដៅធ្វើយ៉ាងណាឲ្យផ្លូវនេះបានរាបស្មើនិងដីក្រុមហ៊ុនដោយក្រុមហ៊ុននេះ គេមិនបានគិតពីផលប៉ះពាល់ផ្ទះសម្បែងជីវភាពរស់នៅ របស់ប្រជាពលរដ្ឋនោះឡើយ ៕
