ខេត្តព្រះសីហនុ ៖ វាជារឿងចាប់អារម្ភបំផុត សំរាប់មហាជនទូទៅ នៅពេលគេបានឮបានឃើញលោកមេឃុំ លោកមេភូមិទំនប់រលក ស្រុកស្ទឹងហាវ ឃុបឃិតគ្នាដណ្តើមយកដីចំណីផ្លូវសាធារណ៍មួយកន្លែង ពីស្ត្រីម្នាក់ រូចហើយយកទៅលក់ឲ្យស្ត្រីម្នាក់ទៀតបានលុយចំនូន៧០០ដុល្លាសហរដ្ឋអាមេរិកចែកគ្នាចាយយ៉ាងត្រជាក់មេជើង ជាហេតុធ្វើឲ្យមានការរិះគន់យ៉ាងពេញទំហឹង ពីសំណាក់ប្រជាពលរដ្ឋក្រោមឱវាទរបស់ខ្លូន ដោយពូកគេមានការងឿងឆ្ងល់ថា លោកមេឃុំលោកមេភូមិទាំងពីរនាក់នោះ ពូកគាត់យល់ឃើញយ៉ាងណានោះទេបានជាហ៊ានធ្វើអំពើរំលោភបំពានច្បាប់ដូចច្នេះ ។
ស្ត្រីឈ្មោះ ង៉ែត ខៀវ អាយុ៤៩ឆ្នាំ ដែលជាភាគីទំនាស់ដណ្តើមដីចំណីផ្លូវសាធារណៈជាមួយ លោកមេឃុំលោកមេភូមិខាងលើបាននិយាយរៀបរាប់ប្រាប់ឲ្យដឹងថា ទីតាំងដីទំនាស់ខាងលើនេះ រូបគាត់បានកាន់កាប់រស់នៅនិងសាងសង់តូបលក់បន្លែរត្រីសាច់រយៈពេលជាង៧ឆ្នាំមកហើយ មិនដែលមានបញ្ហារអ្វីនោះទេ ។ លុះក្រោយមក ក្នុងពេលថ្មីៗនេះ ក៍ស្រាប់តែលិចមុខស្ត្រីម្នាក់ឈ្មោះ ភី គឹមហឿង អាយុ៣៣ឆ្នាំ បានធ្វើការអះអាងថា ទីតាំងតូបលក់ដូរនៅលើចិញ្ចើមផ្លូវរបស់គាត់ ដែលរកស៊ីលក់ដូរសព្វថ្ងៃនេះ ជាដីរបស់គេទៅវិញ ថែមទាំងមានលិខិតបញ្ជាក់កាន់កាប់ដីដែលចុះហត្ថលេខា នៅថ្ងៃទី១៧ ខែសីហា ឆ្នាំ២០១៤ ទទូលស្គាល់ដោយលោកមេឃុំឈ្មោះឡាន ហ៊ន និងលោកមេភូមិឈ្មោះ គីម ហាក់ យ៉ាងត្រឹមត្រូវទៅវិញ ។
.បងស្ត្រី ង៉ែត ខៀវ ក្រោយពីបានឃើញលិខិតកាន់កាប់ដីខាងលើនេះ រូបគាត់មានការងឿងឆ្ងល់យ៉ាងខ្លាំង ពីព្រោះគាត់យល់ថា ទីតាំងដីខាងលើនេះជាដីចំណីផ្លូវសាធារណៈ របស់រដ្ឋ មិនអាចមាននណាម្នាក់យកធ្វើជាសិទ្ធិឯកជនបាននោះឡើយ ។
បងស្រីង៉ែតខៀវបានធ្វើការបញ្ជាក់យ៉ាងច្បាស់ថា ទីតាំងដីខាងលើនេះ រូបគាត់មិនមានបំណងទាមទារយកធ្វើជាកម្មសិទ្ធិអ្វីនោះទេ គ្រាន់តែសុំសង់តូបលក់ដូរបន្តិចបន្តូចដោះស្រាយជីវភាពប្រចាំថ្ងៃប៉ុណ្ណោះហើយនៅពេលណារដ្ឋត្រូវការពង្រីកផ្លូវ រូបគាត់និងប្រគាល់ជូនរដ្ឋវិញ ដោយមិនធ្វើការតវ៉ាអ្វីទាំងអស់ ប៉ុន្តែបើក្នុងករណីដកដីនេះយកពីគាត់ហើយយកទៅប្រគល់ឲ្យស្រី្តឈ្មោះ ភី គឹមហឿង កាន់កាប់វិញ រូបគាត់មិនយល់ព្រមនោះឡើយ ពីព្រោះថា ដីចំណុចនេះជាដីសាធារណៈរបស់រដ្ឋ បើគេមានសិទ្ធិកាន់កាប់រូបគាត់ក៍មានសិទ្ធិដូចគ្នា ។
.លោក គីម ហាក់ ជាមេភូមិដែលរងការចោទប្រកាន់ថា បានលក់ដីចំណីផ្លូវខាងលើ លោកបានទទូលស្គាល់ថា ដីទីតាំងខាងលើនេះជាដីចំណីផ្លូវសាធារណៈ របស់រដ្ឋគ្រប់គ្រង ដោយអាជ្ញាធរមួលដា្ឋន ។ ហើយដីនេះ កន្លងមកអាជ្ញាធរមូលដ្ឋានបានធ្វើការជូលទៅឲ្យស្ត្រីឈ្មោះ ង៉ែត ខៀវ ដែលមានប្តីឈ្មោះ ហេង ហួង ជាអនុប្រធានភូមិតំបន់នេះផងដែរ ប៉ុន្តែរការជួលនោះអស់រយពេលរាប់ឆ្នាំមកហើយ មិនដែលបានលុយឈ្នូលអ្វីមួយរៀលនោះទេ លុះក្រោយមកដោយសារអាជ្ញាធរមូលដ្ឋានមានការខ្វះខាតលុយ ក្នុងការស្តាប្រឡាយ មន្ត្រីប្រឹក្សាឃុំក៍បានធ្វើកិច្ចប្រជុំពិភាក្សាគ្នាមានធ្វើការដោះដូរដីនេះទៅឲ្យស្ត្រីឈ្មោះ ភី គឹមហឿង ជាថ្នូរនិងប្រាក់បន្តិចបន្តូចចំនូនប្រមាណ៧០០ដុល្លាប៉ុណ្ណោះ ហើយក៍មានការតវ៉ាពីរស្ត្រីឈ្មោះ ង៉ែត ខៀវ តែម្តងទៅ ។
ជុំវិញបញ្ហារដែលបានលើកឡើងនេះ គឺជារឿងមួយដែលឆ្លុះបញ្ចាំងការមិនយកចិត្តទុកដាក់នៅការអនុវត្តច្បាប់ស្តីពីការគ្រប់គ្រប់ដីធ្លី របស់អាជ្ញារឃុំទំនប់រលក់ដូចនេះ សូមឲ្យលោកចៅហ្វាយស្រុកស្ទឹងហាវ មេត្តាពិនិត្យមើលម្តងហើយ ដើម្បីមានវិធានការតាមផ្លូវច្បាប់ ៕
