ខេត្ដកំពង់ ចាម ៖ ប្រជាពលរដ្ឋដែល មានលំនៅដ្ឋានក្បែរការដ្ឋានរោងម៉ាស៊ីន កិនថ្មរបស់ឧកញ៉ា ឋិតក្នុង ភូមិស្រែសៀម ឃុំជីរោទិ៍ទី២ ស្រុក-ខេត្ដ ត្បូងឃ្មុំ បានរងនូវផលប៉ះពាល់យ៉ាងខ្លាំង ចំពោះការរស់នៅ របស់ពួកគាត់ ពាក់ព័ន្ធ សុខភាព ការទទួលទានដំណេក និងឈឺ ថ្កាត់ ជាដើម ។
ប្រជាពលរដ្ឋបានឲ្យដឹងថា កន្លងទៅ ពួកគាត់បានរាយការណ៍និងប្ដឹងទៅថ្នាក់លើ ក៏ដូច ជារាយការណ៍តាមទូរស័ព្ទ ប៉ុន្ដែសមត្ថ កិច្ច អាជ្ញាធរ មន្ដ្រីជំនាញ មិនហ៊ានអើពើ ដោយសារតែឥទ្ធិពលអំណាចទឹកប្រាក់ របស់ឧកញ៉ា ស្រ៊ុន សំណាង គ្របដណ្ដប់ ទៅលើមន្ដ្រីទាំងនោះ ។
ប្រជាពលរដ្ឋបន្ដ ថា ការដាក់គ្រាប់ រំសេវផ្ទុះបានក្លាយទៅជារណ្ដៅជីកយកថ្ម ដ៏ធំៗ ជ្រៅៗដូចជាស្រះជាច្រើនកន្លែង ធ្វើឱ្យប្រជាពលរដ្ឋក្នុងភូមិ ពេលឱ្យកូនចៅ ទៅមើលគោក្របីតាមវាលស្រែម្ដងៗ មានការព្រួយបារម្ភយ៉ាងខ្លាំង ខ្លាចកូន ចៅរបស់ពួកគាត់លង់ទឹកដែលជារណ្ដៅ របស់ឧកញ៉ា ស្រ៊ុន សំណាង ខាងលើនេះ។
ប្រជាពលរដ្ឋបាន និយាយថា ជាយូរឆ្នាំមកហើយ ការដ្ឋានកិនថ្មខាងលើនេះបាន បំពងសំឡេងលាន់ឮកងរំពង រួមទាំង សំឡេងគ្រាប់រំសេវបំផ្ទុះបំបែកថ្មម្ដងៗ ធ្វើឱ្យរញ្ជួយដល់សំណង់ផ្ទះរបស់ពួកគាត់ ព្រមទាំងផ្សែង ធូលីដែល ជាកម្ទេចថ្មហុយ ជះមកលើលំនៅឋានរបស់ពួកគាត់ បណ្ដាលឱ្យអ្នកខ្លះរងនូវជំងឺឈឺភ្នែកជា ញឹកញាប់ ។
ពាក់ព័ន្ធករណី នេះ លោក ចេង ប៊ុនណា អភិបាលនៃគណៈអភិបាលស្រុកត្បូងឃ្មុំ កាលពីរសៀលថ្ងៃទី២៦ ខែ មេសា ឆ្នាំ ២០១៤ បានប្រាប់ ឲ្យដឹងថា បញ្ហាការដ្ឋានកិនថ្មឧកញ៉ា ស្រ៊ុន សំណាង ពិតជាបង្កផលប៉ះពាល់ ដល់ ប្រជាពលរដ្ឋ ទាំងការដាក់រំសេវផ្ទុះលាន់កងរំពងខ្ទ័រដល់ សំណាង់ ផ្ទះប្រជាពលរដ្ឋ និងការដឹក ជញ្ជូនថ្មខូចផ្លូវ ហុយ ទៅលើលំនៅឋានពួក គាត់ ។ មិនតែប៉ុណ្ណោះ កន្លងមក ការដាក់ បំផ្ទុះថ្មទីតាំងមួយចំនួនបានក្លាយទៅជា ស្រះ បណ្ដាលឱ្យកូនអ្នកស្រុកលង់ស្លាប់ ក្នុងនោះខាងអាជ្ញាធរនិងសមត្ថកិច្ច ក៏បាន ធ្វើការណែនាំម្ដងជាពីរដងផង ដែរ ប៉ុន្ដែ ម្ចាស់ការដ្ឋានហាក់ដូចជាពុំបានគិត និង ទទួលខុសត្រូវចំពោះការធ្វើអាជីវកម្មរបស់ ខ្លួនប៉ះពាល់ដល់អ្នក ដទៃ ។
ទោះជាយ៉ាងណាក៏ ដោយ លោកអភិ បាលបានបញ្ជាក់ថា «ខ្ញុំនៅតែឱ្យមន្ដ្រី ជំនាញ ជាមួយសមត្ថកិច្ចចុះពិនិត្យបន្ដ ទៀត ដើម្បីការពាររាល់ផលប៉ះពាល់មក លើប្រជាពលរដ្ឋស្លូតត្រង់ដែលមានលំនៅ ឋានក្បែរនោះ » ។
ដោយឡែក លោកឧកញ៉ា ស្រ៊ុន សំណាង ពាក់ព័ន្ធនឹងករណីធ្វើអាជីវកម្មកិនថ្មប៉ះ ពាល់ដល់ប្រជាពលរដ្ឋ កាល ពីរសៀលថ្ងៃ ទី២៦ ខែមេសា ឆ្នាំ២០១៤ បានប្រាប់ តាមទូរស័ព្ទថា ខ្ញុំធ្វើអាជីវកម្ម តាមតែច្បាប់ ចង់ប៉ះពាល់អ្នកណាខ្ញុំមិន ដឹងទេ បើចង់ប្ដឹងអីក៏ប្ដឹងទៅ សូមមេត្ដា ធ្វើតាមច្បាប់ចុះ ។
ក្នុងករណីម្ចាស់ ការដ្ឋាននេះមានច្បាប់ អនុញ្ញាតក៏ដោយ ប៉ុន្ដែប្រជាពលរដ្ឋឱ្យ លោកឧកញ៉ាគិតពីផលប៉ះពាល់ដល់អ្នក ដទៃនោះផង ។ ប៉ុន្ដែតាមទូរស័ព្ទ លោក ឧកញ៉ារូបនេះបានបញ្ជាក់ថា «ខ្ញុំមិនដឹង ខ្ញុំមិនដឹងទេ ២០ឆ្នាំមកហើយ ខ្ញុំកិនថ្ម មិនដែលប៉ះពាល់អ្នកណា អ៊ីចឹងប្ដឹងតាម ច្បាប់ទៅ ខ្ញុំមិនខ្វល់ » ។
លោកអភិបាលស្រុកប ន្ដថា ថ្មីៗនេះ ស្រាប់តែមន្ដ្រីអះអាងថា ខាងក្រសួង ឧស្សាហកម្មបានចេញច្បាប់ឱ្យគាត់បន្ដអាជីវកម្ម ដែលពុំបានឱ្យមន្ដ្រីជំនាញចុះ មកសិក្សា ឬឆ្លងមន្ដ្រីអាជ្ញាធរមូលដ្ឋាន មុននឹងចេញអាជ្ញាប័ណ្ណឱ្យ ថាតើការធ្វើ អាជីវកម្មរបស់ម្ចាស់ការដ្ឋានកិនថ្មនេះ បានប៉ះពាល់ដល់ប្រជាពលរដ្ឋក្នុងកម្រិត ណា នោះឡើយ ។
អាជ្ញាធរស្រុក ត្បូងឃ្មុំព្រួយបារម្ភផង ដែរពីអាជីវកម្មកិនថ្មខាងលើនេះ ហើយ គាត់ក៏សំណូមពរផងដែរ រាល់ការធ្វើ អាជីវកម្មរបស់ខ្លួន មេត្ដាគិតពីផលប៉ះពាល់ដល់អ្នកដទៃ ផ្ដល់សេចក្ដីសុខដល់ ប្រជាពលរដ្ឋ ដែលពួកគាត់មានសិទ្ធិក្នុង ការរស់នៅ មិនត្រូវបានរំលោភបំពាន ដោយនរណានោះឡើយ ដែលក្នុងប្រទេសគ្រប់ គ្រងដោយច្បាប់ ៕
