ខេត្តព្រះសីហនុ ៖ យុវជនដៃរពិសចំនួន៣នាក់ ត្រូវបានកំលាំងសមត្ថកិច្ចមូលដ្ឋានសង្កាត់កោះរ៉ុង ធ្វើការឃាត់ខ្លួននៅចំនុចបឹងហ្គាឡូ ផារ៉ាដាយ ស្ថិតក្នុងភូមិកោះរ៉ុង សន្លឹម សង្កាត់កោះរ៉ុង ក្រុងព្រះសីហនុ ម៉ោង១៥និង៤៥នាទីថ្ងៃទី២១ខែធ្នូរឆ្នាំ២០១៤ បន្ទាប់ពីយុវជនទាំង៣លួចចូលក្នុងបន្ទប់របស់ជនបរទេសដែលជាភ្ញៀវទេសចរណ៏ចាក់សោរចោលដើរកំសាន្តតាមឆ្នេរ។
លោកវរៈសេនីយ៏ត្រី ភុល ភ័ស្តា អធិការនគរបាលក្រុងព្រះសីហនុ បានបញ្ជាក់អោយដឹងថា ដោយអនុវត្តន៏ទៅតាមគោលនយោបាយភូមិឃុំមានសុវត្តិភាព នៅគ្រប់មូលដ្ឋាន នាល្ងាចថ្ងៃទី២១ខែធ្នូឆ្នាំ២០១៤ នៅលើដែនដីកោះ កំលាំងរបស់លោក បានធ្វើការឃាត់ខ្លួនភ្លាមៗ បន្ទាប់ពីយុវជនចំនួន៣នាក់ធ្វើសកម្មភាពចូលលួចសម្ភារៈជនបរទេស ខណះពេលជនបរទេសម្ចាស់សម្ភារៈចេញដើរកំសាន្តនៅតាមឆ្នេរ ដោយយកបានសម្ភារៈរួមមានៈ១-ទូរស័ព្ទដៃអាហ្វូន៥ចំនួន០១គ្រឿង២-អាយផេត០១គ្រឿង៣-ឡែបថម០១គ្រឿង ៤-ប្រាក់ដុល្លា៤៥ដុល្លា ៥-លុយបាតចំនួន៤០បាត៦-លុយខ្មែរ១១០០០រៀល៧-លុយមាឡេនិង វៀតណាមមួយចំនួន – វីសារកាតនិងកាបូបតូចចំនួន០១។យុវជនសង្ស័យទាំង៣នាក់មានៈទី១-ឈ្មោះ ឃាង សីហា ភេទ ប្រុស អាយុ២០ឆ្នាំមុខរបរកម្មកសំណង់ ទី២-ឈ្មោះ សាង វាសនា ភេទ ប្រុសអាយុ១៦ឆ្នាំមុខរបរកម្មកសំណង់ ទី៣-ឈ្មោះ ជ្រី ចិត្ត ភេទ ប្រុស អាយុ១៦មុខរបរកម្មកសំណង់ អ្នកទាំង៣បច្ចុប្បន្នមានទីលំនៅមានទីលំនៅកោះរ៉ុង ក្រុងព្រះសីហនុ។ចំពោះជនរងគ្រោះជាជនបរទេស សមត្ថកិច្ច នៅពុំទាន់ទទួលឈ្មោះបាននៅឡើយទេ ព្រោះខណះពេលឃាត់ខ្លួនជនបរទេសមិនបាននៅកន្លែងកើតហេតុនោះ ដោយបានចាក់សោរទុកសម្ភារៈក្នុងបន្ទប់ ហើយបានដើរចន្តនៅតាមតំបន់ទេសចរណ៏មួយចំនួននៅលើកោះរ៉ុង។
បច្ចុប្បន្ន យុវជនសង្ស័យទាំង៣កំពុងត្រូវបានកសាងសំណុំរឿងបញ្ជូនខ្លួនទៅកាន់ស្នងការដ្ឋាននគរបាលខេត្តដើម្បីចាត់ការបន្ត តាមនិតិវិធីច្បាប់ ឯ សម្ភារៈនឹងប្រគល់ជូនជនរងគ្រោះវិញល្ងាចថ្ងៃទី២២ខែធ្នូ ខណះពេលជនបរទេសជាជនរងគ្រោះឡើងទឹកដីកោះរ៉ុងវិញ៕
