ខេត្តព្រះសីហនុ ៖ កំលាំងសមត្ថកិច្ចចំរុះរបស់អាជ្ញាធរខេត្តព្រះសីហនុ ដឹកនាំដោយឯកឧត្តម ហេង សំអាន អភិបាលរងខេត្តនៅរសៀលថ្ងៃទី១៥ ខែឆ្នូ ឆ្នាំ២០១៤ នេះបានចុះទៅធ្វើការពិនិត្យនិងធ្វើការហាមឃាត់សកម្មភាពល្មើស ច្បាប់ នៃការចាក់ដីលុបសមុទ្រមួយកន្លែង ស្ថិតនៅក្នុងភូមិ៣ សង្កាត់១ ក្រុងព្រះសីហនុ (តំបន់ទំនប់រលក) ត្រង់ចំណុចខាងមុខនគរបាលអន្តោប្រវេសន៍ ខណៈពេលកំពុងធ្វើសកម្មភាពជាក់ស្តែង ព្រមទាំងបានធ្វើការដកហូតរថយន្តដឹកដីចំនូន១គ្រឿង និងអាប៊ុលឈុសដី១គ្រឿងផងដែរ នាំយកទៅរក្សាទុក ដើម្បីធ្វើការដោះស្រាយតាមផ្លូវច្បាប់ និងតំរ៉ូវឲ្យបុគ្គល់ឈ្មោះ លីម គីមស្រ៊ាង ភេទប្រុសអាយុ៥៣ឆ្នាំ ដែលជាម្ចាស់ទីតាំងចាក់ដីនោះ ធ្វើកិច្ចសន្យាកាយដី ដែលបានចាក់លុបសមុទ្រទាំង ប៉ុន្មានយកចេញវិញឲ្យអស់ ដោយគ្មានការតវ៉ាក្នុងគោលដៅធ្វើយ៉ាងណា ឲ្យទីតាំងចាក់ដីនោះវិលទៅរកសភាពដើមវិញ ជាកំហិត ។
ឯកឧត្តម ហេង សំអាន អភិបាលរងខេត្តព្រះសីហនុ ជុំវិញបញ្ហារខាងលើនេះ បានមានប្រសាសន៍បញ្ជាក់ថា ជាគោលការរបស់ថ្នាក់ដឹកនាំអាជ្ញាធរខេត្តព្រះសីហនុតំបន់ទំនប់រលកនេះ មិនអនុញាត មានការសាងសង់សំណង់ថ្មី ឬចាក់លុបសមុទ្រនោះទេ ដោយប្រជាពលរដ្ឋអាចរក្សា និងរស់នៅបានជាមួយសំណង់ចាស់ ដែលមានស្រាប់តែប៉ុណ្ណោះ ហើយជុំវិញបញ្ហារនេះ កន្លងមកអាជ្ញាធរខេត្តក៍បានចេញសេចក្តីជូនដំណឹង ជំរាបជូនដល់បងប្អូនដែលរស់នៅតំបន់ខាងលើ ឲ្យបានជ្រាបរូចមកហើយផងដែរ ដូចនេះរាល់សំណង់ណាដែលធ្វើការសាងសង់គ្មានច្បាប់ត្រឹមត្រូវ គឺមិនអនុញាតនោះឡើយ ។ ហើយបើសិនជាមានបុគ្គល់ណានៅតែរឹងទទឹង ប្រព្រឹត្តផ្ទុយ បែបឃុបឃិតគ្នាទាំងបំពានបុគ្គល់នោះ អាចប្រឈមមុខចំពោះផ្លូវច្បាប់ គេចមិនរូចនោះទេ ជាក់ស្តែងដូចជាករណីចាក់ដីលុបសមុទ្រខាងលើនេះអញ្ចឹង ។ នៅពេលដែលសមត្ថកិច្ចចម្រុះរបស់អាជ្ញាធរខេត្តចុះហាមឃាត់ក្រុមទូរទស្សន៍ និងកាសែតបានទៅផ្តិតយករូបភាព ស្រាប់តែឈ្មោះ លីម គឹម ស្រ៊ាង និងបក្សពួករបស់ខ្លួនដែលជាសាច់ញ្ញាត បានជេរប្រមាថមើលងាយមកលើអ្នកសារព័ត៌មាន ដែលបានបំពេញភារកិច្ចថតយកសកម្មភាព ដែលអាជ្ញាធរកំពុងតែហាមឃាត់ ហើយនិងបានគំរាមគំហែងយ៉ាងខ្លាំងៗទៀតផងដែរ ។
គួរបញ្ជាក់ផងដែរថា លិខិតជូនដំណឹងស្តីពីការរៀបចំថែរក្សាបរិស្ថាន និងសណ្តាប់ធ្នាប់អនាម័យ និងស្តីពីររការហាមឃាត់នៅការសាងសង់សំណង់ថ្មីផ្សេងៗ គ្រប់ប្រភេទនៅក្នុងតំបន់ទំនប់រលកសង្កាត់លេខ១ខាងលើនេះ ចុះថ្ងៃ២៦ ខែមិថុនា ឆ្នាំ២០១៤ លេខ៣០៤ចុះហត្ថលេខា ដោយឯកឧត្តម ឈិត សុខុន អភិបាល នៃគណៈអភិបាលខេត្តព្រះសីហនុ ដោយសេចក្តីជូនដំណឹងនេះ បានតំរូវអោយមន្ត្រីអង្គភាពពាក់ព័ន្ធ ជាពិសេសអាជ្ញាធរមូលដ្ឋានភូមិសង្កាត់ ចុះធ្វើការផ្សព្វផ្សាយអោយបានទូលំទូលាយ ក្នុងគោលដៅអោយប្រជាពលរដ្ឋរស់នៅតំបន់ខាងលើបានជ្រាប និងអនុវត្តតាមរួមនឹងការអនុវត្តវិធានការច្បាប់ផងដែរ ប៉ុន្តែរអ្វីដែលគូរចាប់អារម្មបំផុតនោះ គឺជុំវិញលិខិតជូនដំណឹងរបស់សាលាខេត្តខាងលើនេះ លោក ឈិត សុផាត ជាចៅសង្កាត់លេខ១ ដែលជាថ្នាក់ដឹកនាំអាជ្ញាធរមូលដ្ឋានផ្ទាល់ បែរជាឆ្លើយថា លោកមិនបានដឹងមិនបានឃើញលិខិតខាងលើនេះទៅវិញ ។ អ្វីដែលលោក ឈិត សុផាត ឆ្លើយបែបមិនទទូលខុសត្រូវដូចនេះ វាជារឿងគូរឲ្យចាប់អារម្មបំផុត សំរាប់មហាជនទូទៅ ដោយគេមិនដឹងថា លោក ឈិត សុផាត ជាចៅសង្កាត់រូបនេះសព្វថ្ងៃគាត់ធ្វើអ្វីខ្លះនោះទេ បានជាស្អីៗ ក៏ឆ្លើយថា មិនដឹងរហូត !៕
